Salmo 108 - Bible in Quechua of South Conchucos（qxo）

Salmo 108 (107)Tayta Diosta alabanqan Salmo 57.7-11; 60.5-12 1 (1) Cantanantsikpämi. David qellqanqan salmu.

1 1 (2) Tayta Dios, shonqü listum kaykan.

Himnukunata cantarmi alabashayki.

Llapan shonqüwanmi qamta alabashayki.

2 2 (3) ¡Rikchay, arpa! ¡Rikchay, salteriu!

¡Tsaka tsakalla Tayta Diosta alabashun!

3 3 (4) Tayta Dios, llapan runakunapa puntanchömi alabashayki.

Maytsay nación runakunapa puntanchömi alabashayki.

4 4 (5) Kuyamanqaykita manam imanöpapis tantiyayta puëdïtsu.

Ciëluchöpis manam pipis qamnö promitinqanta cumpliq kantsu.

5 5 (6) Tayta Dios, gloriachöpis poderösum kanki.

Kay patsachöpis poderösum kanki.

6 6 (7) ¡Poderösu kaynikiwan salvaykayällämay!

Tsaynöpam kuyanqayki runakuna kar librina kayäshä.

7 7 (8) Templunchömi Tayta Dios nirqan:

<

8 8 (9) Galaad runakuna y Manasés runakuna täyanqanpis noqapam kaykan.

Efraín runakunaqa guërrachö tsapakunä cascum.

Judá runakunaqa mandakunä väram.

9 9 (10) Moab nacionqa mayllakunä lavatorium.

Edom nacionmanmi llanqïta jitarishä.

Filisteo runakunata vinciskirmi pasaypa kushikushä>>.

10 10 (11) Murallashqa markata atacayänäpä ¿pirä pushayämanqa?

Edom nacionta atacayänäpä ¿pirä pushayämanqa?

11 11 (12) Tayta Dios, jaqiskayämaptiki manam pipis kantsu yanapayämänanpä.

Mananam soldädükunatapis yanapankinatsu.

12 12 (13) Runakuna yanapayämanqanpis manam sirvimantsu.

Conträkunata vinciyänäpä yanapaykayällämay.

13 13 (14) Tayta Dios yanapamashqaqa vincishunmi.

Paymi chikimaqnintsikkunata ushakätsinqa.