1Kaychömi nacionkuna imanö kananpä kanqantapis profëta Jeremíasta Tayta Dios willanqan qellqashqa kaykan.
Egipto runakunata Carquemischö castiganqanta ninqan2Josíaspa tsurin Joacim chusku watana Judá nacionpa mandaqnin rey kaykaptinmi Egipto runakuna Carquemis markachö Babilonia runakunawan pelyayarqan. Tsaychömi Egipto runakunata vincir wanutsiyarqan.
6Alli cörriqninkunapis manam cörriyta puëdiyannatsu.
Alli chölun kaqkunapis manam qeshpiyta puëdiyannatsu.
Norti kaq lädu Éufrates mayu kuchunchö ishkirmi llapan ishkiyashqa.
7< Mayu entërupa mashtakaqnömi tsay nación runakuna juntaykäyämun. 8Tsay nacionqa Egiptum. Mayu atskayar bunyaypa bunyar aywaqnörä karmi nikäyan: Noqantsikqa maytsay markakunata y tsaychö täraq llapan runakunatapis ushakätsishunmi>. 9<<¡Caballun muntashqa kaqkuna, guërraman yaykuyay! ¡Carrëtawan aywaqkuna, empëñu cörriyay! ¡Alli chölu kaqkuna, fïlayllanpa marchaqnörä aywayay! ¡Etiopía y Libia soldädukuna, escüduykikunata alistakuyay! ¡Lud soldädukuna, flëchaykikunata alistakuyay! 10Llapanta mandaq Tayta Dios karmi nï: Kananmi conträkunata castiganä junaq chämushqa. Kanan junaqmi espädäpis pacha junta mikunqa. Runakunapa yawarninwanmi machanqa. Tsaytsika runakunata wanutsiyanqanmi noqapä sacrificiu kanqa. Tsaynö kanqa norti kaq lädu nacionchö kaykaq Éufrates mayu kuchunchömi. 11< Imayka jampikunawan jampikuyanqaykipis manakaqllapämi kanqa. Jampikuyaptikipis mananam ima jampipis allïtsiyäshunkitsu. 12Pelyaqnikikunapis qeshpiyanqanchömi kikinkunapura tinkakar ishkiyarqan. Maytsay nación runakunam musyayan contraykikuna vinciyäshunqaykita. Nanaywan qayaräyanqaykipis entëru nacionmanmi wiyakaykan>>. 13Babilonia nacionpa mandaqnin rey Nabucodonosor Egipto nacionta atacayänanpä kanqanta Tayta Dios profëta Jeremíasta willanqan kaychömi qellqashqa kaykan: 14< ¡Maytsay markaykikunachömi espädawan wanutsiyäshunki! Tsayta willayay Migdol, Menfis y Tafnes markakunachö täraq runakunata. 15Törri niraq Apis diosnikikuna ¿imanirtä yanapayäshunkitsu? ¿Imanirtä tsay diosnikikuna ichiraykantsu? ¡Tsaytaqa noqa Tayta Diosmi kumaskirqü! 16< <¡Llapantsik qeshpir markantsikman kutikushun! Maychömi yurirqantsik, tsayman aywakushun. Kay wanutsinakuypita qeshpir aywakushun>. 17Markanman kutirnam niyanqa: Manam ima ruraytapis puëdinnatsu>. 18< Llapanpä mandaq rey karmi jutïchö jurar nï: Lädun jirkakunapita Tabor jirka mas jatun kanqannö y lamar kuchunchö Carmelo jirka llapanpita mas jatun kanqannömi Egipto runakunapa contrankuna llapanpitapis mas munayyuq kayanqa. 19Egipto runakuna, prësu apayäshunaykipä alistakuyay. Menfis markapis tsunyaykarmi quëdanqa. Raqällana kaptinmi pipis täyanqanatsu. 20< Tsaynö kaykaqta kaninanpämi norti kaq lädupita upukrukuna shamuykan. 21Egipto runakuna minkakuyanqan soldädukunapis wera becërrunömi kaykäyan. Paykunapis upukrupita qeshpiqnömi pelyapita qeshpiyanqa. Egipto runakunata castigar ushakätsinä junaq chaykämunnam. 22< Tsaynö atacayaptinmi culebra qeshpiqnörä qeshpiyanqa. 23Tsay contran runakunam shatayashqa muntikunatapis tsaquyanqa. Yupaytapis mana atipaypä chukllushkunapitapis mas atskam kayanqa. 24Egipto runakuna norti kaq lädu nación runakunapa poderninchönam quëdayanqa. Tsaynö karmi pasaypa penqakuyanqa>>. 25Israel runakunata kuyaq y llapanta mandaq Tayta Diosmi nin: < 26Tsaymi Babilonia nacionpa mandaqnin rey Nabucodonosorpa y soldädunkunapa poderninman paykunata churashä. Peru tsaypita atska wata päsaskiptinmi sïqa unay täyanqannöna Egiptuchö yapay tranquïlu täyanqa. Noqa Tayta Diosmi tsaynö nï>>. 27< Karu nacionman apayäshunqaykipitam qamkunata y qamkunapita miraqkunata jipiyämushayki. Pipis manana mantsatsiyäshuptikim nacionnikichö tranquïlu kawayanki. 28Jacobpita miraq sirvimaq runakuna, ama mantsariyaytsu. Noqaqa qamkunawanmi kaykä. Nacionnikipita qarqushqa karpis qamkunataqa manam ushakätsiyäshaykitsu. Peru poderninchö tsararäyäshuqniki nacionkunatam sïqa ushakätsishä. Ima kaptinpis jutsata rurayanqaykimanmi castigayäshayki. Mana castigarqa manam dëjayäshaykitsu. Noqa Tayta Diosmi tsaynö nï>>.
Who We AreWhat We EelieveWhat We Do
2025 by iamachristian.org,Inc All rights reserved.
