2 Crónicas 14 - Bible in Quechua of South Conchucos（qxo）

Judá nacionchö Asa rey kanqan 1 Reyes 15.8-12

1 1 (13.23) Abías wanuskiptinmi Davidpa Markanman pampayarqan. Paypa trokinnam tsurin Asana rey karqan. Asa rey kaptinmi Judá nacionchö chunka wata tranquïlu kawayarqan.

2 2 (1) Asaqa Tayta Dios munanqannömi kawarqan.

3 3 (2) Tsaymi juklä nación runakunapa diosninkunata adorayänanpä rurayanqan altarkunata y markakunachö kaq altarkunatapis juchutsirqan. Adorayänanpä ichïtsiyanqan juytu rumikunata y Asera diösapä jawiyanqan raku qerukunatapis pakitsirmi usharqan.

4 4 (3) Judá runakunatam nirqan unay castankuna yärakuyanqan Tayta Diosta ashir leyninkunata y mandamientunkunata cumpliyänanpä.

5 5 (4) Tsaynöllam inciensiuta qoshnitsikuna altarkunata y wakin altarkunatapis Judáchö kaq llapan markakunapita jipitsirqan. Asa mandanqan witsanmi Judá nacionchö runakuna tranquïlu kawakuyarqan.

6 6 (5) Tranquïlu kawayänanpä Tayta Dios yanapaptinmi rey Asaqa Judá nacionchö markakunata allitsatsir tumaypa corralatsirqan.

7 7 (6) Judá nación runakunatam nirqan: <>.

Tsaynö willanakuskirmi llapanta shumaq ruratsirqan.

8 8 (7) Rey Asapam Judá trïbupita kimsa pachak waranqa (300,000) soldädunkuna kayarqan. Cada soldädupam escüdun y lanzanpis karqan. Benjamín trïbupitanam ishkay pachak puwaq chunka waranqa (280,000) soldädukuna kayarqan. Paykunapapis escüdun y flëchan karqanmi. Paykunaqa llapanpis allish chölullam kayarqan.

9 9 (8) Tsaypitanam Judá nacionta atacayänanpä Zera jutiyuq runa juk millón (1'000,000) soldädunkunata pushakurkur y kimsa pachak (300) guërra carrëtakunawan Etiopíapita Maresa partiyaq chäyarqan.

10 10 (9) Tsaymi Asapis paykunawan pelyayänanpä soldädunkunata pushakurkur Maresapa lädun Sefata pampaman aywar churanakuyarqan.

11 11 (10) Tsaychömi Tayta Diosta mañakur Asa nirqan: <>.

12 12 (11) Tsaynö rugaptinmi rey Asata y Judá runakunata Tayta Dios yanaparqan Etiopía runakunata vinciyänanpä. Vinciyaptinmi Etiopía runakunaqa qeshpir aywakuyarqan.

13 13 (12) Qeshpiykaqta Gerar markayaq soldädunkunawan Asa qatipaykur wanutsiyaptinmi ni jukllayllapis kawaykar quëdarqantsu. Tsaypitam wanushqa runakunapa imaykankunatapis apayämurqan.

14 14 (13) Tayta Dios tsaynö yanapanqanta rikarmi Gerar cercankunachö täraq runakuna pasaypa mantsariyarqan. Tsaymi Judá runakunaqa Gerar cercanchö kaq markakunatapis atacar imaykankunatapis apayämurqan.

15 15 (14) Tsaynöllam chakrachö täraq runakunata atacar üshankunatapis camëllunkunatapis atskata apayämurqan. Tsaypitanam Jerusalénman kutiyämurqan.