Miqueas 5 - Bible in Quechua of South Conchucos（qxo）

Israel runakunapa mandaqnin rey yurinanpä ninqan

1 1 (4.14) Jerusalén runakuna, defiendikuyänaykipä alistakuyay.

Qamkunata atacayäshunaykipämi jäpa runakuna chäyämunqa.

Paykunam vinciyäshurniki mandaq reyta cäranchö wiruyanqa.

2 2 (1) Belén Efrata marka, Judáchö wakin markakunapita mas takshalla kaptikipis qamchömi Israel runakunapa mandaqnin rey yurinqa.

Payqa unaypitam kaykan.

3 3 (2) Warmi qeshyakunqanyaqllam contrankunapa makinchö Israel runakunata Tayta Dios jaqinqa.

Wamra yuriskiptinnam Israel runakuna mashtakashqa kaykäyanqanpita kutiyämunqa.

4 4 (3) Tsay wamra wiñarkurnam Tayta Dios yanapaptin imayka üsha mitsiqnöpis kuyanqan runakunata shumaq cuidanqa.

Maytsaychöpis runakuna payta adorayaptinmi Israel runakuna pitapis mana mantsaypa tranquïlu kawayanqa.

5 5 (4) Paymi salvamäshun tranquïlu kawanantsikpä.

Tsay witsan Asiria runakuna markantsikta atacar palaciuntsikkunaman yaykamuptinpis michäyänanpämi atskaq capitankunata mandashun.

6 6 (5) Tsay capitankunam espädankunawan Asiria runakunata vincir poderninkunaman churayanqa.

Tsaynöpam Nimrodpa5.6 Nimrodmi Asiria nacionpa capitalnin Nínivita shäritsirqan. Nimrodpita masta musyanaykipä liyinki Gén. 10.8-12. markanpita salvamäshun.

Contrankunata Israel runakuna vinciyänanpä ninqan

7 7 (6) Jacobpita miraqkunata wakinta wanutsiyaptinpis kawaykar quëdaqkunaqa maytsay markakunachöpis respitashqam kayanqa.

Shullyapis tamyapis Tayta Diospa bendicionnin kanqannömi paykunapis llapan marka runakunapä bendición kayanqa.

8 8 (7) Mayqan markapis contran shärir atacaptinqa chucaru ashmakunata león atacaqnörämi Israel runakuna atacayanqa.

Malta león üshakunaman yaykuskir wanutsinqannömi paykunapis contrankunata wanutsiyanqa.

Kawaykaqtaqa manam ni jukllayllatapis dëjayanqatsu.

9 9 (8) Tayta Dios, tsaynöpam Israel runakunapa llapan contrankunatapis ushakätsinki.

10 10 (9) Tsay contran runakunatam Tayta Dios nin:

<

Guërra carrëtaykikunatapis llapantam ushakätsishä.

11 11 (10) Markaykikunatapis y amparakuyänaykipä shäritsiyanqayki jatun wayikunatapis llapantam juchutsishä.

12 12 (11) <

Suerti rikaqkunapis qamkunachö manam kanqanatsu.

13 13 (12) Adorayanqayki ïdulukunatapis y juytu rumikunatapis ushakätsiptïmi kikikikuna rurayanqayki dioskunata imaypis adorayankinatsu.

14 14 (13) Asera diösapä jawiyanqayki raku qerukunatapis llapantam ushakätsishä.

Markaykikunatapis chipyaqmi juchutsishä.

15 15 (14) Pasaypa rabyarmi mana cäsumaq runakunataqa may markachö täyaptinpis castigashä>>.