1¡Aleluya!
Llapan shonqüwanmi Tayta Diosta alabashä.
Pay munanqannö kawaq runakunawan qorikaykurmi alabashä.
2 Tayta Dios ruranqankunaqa espantaypämi.
Ruranqankunata musyarmi yachaq runakuna pasaypa kushikuyan.
3Kamanqankunaqa llapanpis kuyayllapämi.
Payqa imaypis allillatam ruran.
4Espantaypä ruranqankunatam imaypis yarparäshun.
Tayta Diosqa alli shonqu y kuyakuqmi.
5Payta mantsapakuqkunatam mikuyta alistapan.
Pactu ruranqantam imaypis yarparaykan.
6Juk nación runakunata qarquskirmi kuyanqan runakunata herenciata entregarqan.
Tsaynöpam poderyuq kanqanta tantiyatsirqan.
7Tayta Dios ruranqanqa llapanpis allim.
Paypa mandamientunkunaqa llapanpis cäsunantsikpämi.
8Tsaykunaqa imayyaqpis mana ushakaqmi.
Tsaynöllam allita rurar kawanantsikpä tantiyatsimantsik.
9Kuyanqan runakuna libri kayänanpämi Tayta Dios jipimurqan.
Imayyaqpis yanapananpämi paykunawan pactuta rurarqan.
Paypa jutinqa santu y mantsaypämi.
10Yachaq kaytaqa qallaykuntsik Tayta Diosta mantsapakurmi.
Mandamientunta cumpliqkunaqa alli yarpayyuqmi kayan.
¡Payqa imayyaqpis alabashqam kanqa!
Who We AreWhat We EelieveWhat We Do
2025 by iamachristian.org,Inc All rights reserved.
