1 Tayta Dios, qammi Diosnï kanki.
Pipis mana ruranqanta ruranqaykipitam jutikita joqarir imaypis alabashayki.
Unaypita awninqaykitam imaypis cumplinki.
2Chikimaqnï jäpa runakunapa markantam ranrakunaman tikratsirquyki.
Amparakuna alli murallashqa markankunatam raqällatana dëjarquyki.
Palaciunkunata juchutsir ushakätsinqaykita manam imaypis allitsayanqanatsu.
3Tsaynö ruranqaykita rikarmi juk nacionchö poderyuq runakunapis poderösu kanqaykita willakuyanqa.
Juk marka kallpasapa runakunam qamta mantsapakuyäshunki.
4Pobrikunapa favorninmi shärinki.
Pïninpis mana kaqkunatam tsapanki.
Mangäda tamya mana ushananpä pakakunanmi kanki.
Pasaypa achay mana rupananpämi llantunki.
Mana alli runakunaqa runa mayinta ñakatsiyanmi.
Mangäda tamya murällata juchutsiqnömi kaykäyan.
5Tsaynöllam tsaki jirkachö achay rupaqnö kaykäyan.
Tsaynö kaykäyaptinmi ollqüyaptinpis upällatsinki.
Pukutaywan rupayta tsapaqnömi upällatsinki.
Banquëtita Tayta Dios ruratsinanpä ninqan6 Sión jirkanchömi llapanta mandaq Tayta Dios maytsay nación runakunapä banquëtita ruratsinqa. Tsay banquëtichömi alli mikuykuna mikuy munay kanqa y alli vïnupis upuy munay kanqa.
7Tsay jirkanchö llapan markakunata tsaparaq lütu röpata y llapan nacionkunata tsaparaq mortäjata ushakätsiptinmi
8wanuypis kanqanatsu.
12Tayta Diosmi markapa altu murällankunatapis chipyaq juchutsinqa.
Who We AreWhat We EelieveWhat We Do
2025 by iamachristian.org,Inc All rights reserved.
