Job 21 - Bible in Quechua of South Conchucos（qxo）

Job parlanqan

1Tsaynö niptinmi Job nirqan:

2<

3Parlamuptï shumaq wiyayämänaykipä pacienciaykikuna kaykullätsun.

Asipäyämayta munarqa parlayta ushaskiptï asipäyämay.

4<

Imanir ñakaykanqäta mana tantiyatsimaptinmi pacienciäpis kannatsu.

5Parlapanqäta wiyamarmi pasaypa mantsarir shimikikuna tsapashqa wiyaräyanki.

6Kikïpis tantiyayta mana puëdirmi pasaypa mantsakä.

Cuerpüpis pasaypam shiririn.

7<

Paykunaqa ¿imanirrä rukuyäyanqanyaq kawayan?

8Tsurinkunata y willkankunata rikayanqanyaqmi kawayan.

9Tsay runakunataqa Tayta Diospis manam castigantsu.

Wayinkunachöpis mana pipis wajupashqam kawakuyan.

10Törunkunapis alli padrïllum kayan.

Wäkankunapis mana shulluypam mirayan.

11Tsurinkunapis ashkashnörämi pañar cörrikachäyan.

12Tamburkunata, arpakunata y flautakunata tukarmi cantarnin kushishqa tushuyan.

13Tsay runakunaqa wanuyanqanyaqmi rïcu kayan.

Mana ñakayllapam wanuyanpis.

14<

Munanqaykinöqa manam kawayta munayätsu>.

15Tsaynöllam niyan:

<¿Pitä Tayta Dios payta sirvinantsikpä?

¿Imatatä jipintsik payta mañakunqantsikwan?>

16Tsaynö niyaptinpis rïcu kayanqanqa manam kikillankunapitatsu, sinöqa Tayta Diospitam.

¡Paykuna yarpäyanqannö manam ichikllapis yarpayta munätsu!

17<

Paykunataqa manam imaypis desgracia päsantsu.

Paykunataqa Tayta Dios manam imaypis rabyar castigantsu.

18Manam paykunataqa shukukuy vientu oqshata apaqnö illakätsintsu.

19<

Noqanam nï: Tsurinkunata castigananpa rantinqa kikin jutsa ruraqkunata castigatsun.

Tsaynöpam jutsata dëjayänanpä kikinkuna tantiyakuyanqa.

20Kikinkunata desgracia päsatsun.

Llapanpä poderyuq Tayta Diospa castïgunwan ñakayätsun.

21Wanushqana kaykarqa tsurinkunata castigaptinpis manam llakikuyanqatsu.

22Tsaynö yarpaptïpis ¿pitä kantsik Tayta Diosta yätsinantsikpä?

Payqa ciëluchö kaqkunatapis juzganmi.

23<

Kallpankunallachö kaykarmi ushakäyan.

24Paykunaqa wanuyanqanyaqpis manam qeshyayantsu.

Wera werarämi kawayanpis.

25Wakin runakunam sïqa llakishqa kawaykäyanqanchö wanuyan.

Paykunaqa kushishqa kawana kanqantapis manam musyayantsu.

26Imanö kawarpis llapantsikmi ushakäshun.

Llapantsiktam kuru ushamäshun.

27<

Maliciaykämi llutanta parlaykanqäta niyämänaykipä kanqanta.

28Shonquykikunachö yarparmi niyanki:

Job ninqannö kaptinqa ¿imanirtä mana alli ruraq runakuna rïcu karpis ushakäyan?

¿Imanirtä paykunapa wayinchö täraqkunapis desgracia päsaptin ushakäyan?>

29<

Paykunaqa maytsaypapis aywarmi imanö kanqantapis musyayan.

30Tsaymi niyan:

Mana alli runaqa Tayta Diospa castïgunpitapis qeshpinmi.

31Tsay runataqa manam llutanta ruranqanta pipis nintsu.

Llutanta ruraptinpis manam pipis castigantsu.

32Wanuptinqa shumaqmi pampayan.

Pampayanqanchöpis täpayanrämi.

33Pampaq apayaptin atskaq runakunam aywayan.

Paytaqa alli allpamanmi pampayanpis>.

34<

Llapan niyämanqaykipis wallällam kaykan>>.