Isaías 46 - Bible in Quechua of South Conchucos（qxo）

Babilonia nacionpa diosninkuna Tayta Diosman mana iwalanqan

1Bel diosqa vincishqam kaykan.

Nebo diospis manakaqman churashqam kaykan.

Tsay diosninkunatam caballunkunaman chaqnarkur apayan.

Pasaypa lasarmi caballukunatapis ajyätsiyan.

2Tsay ïdulukunaqa ishkirpis manam shäriyantsu.

Yärakuyanqan runakunatapis manam salvayantsu.

Tsay runakunatam ïdulunkunatawan juklä nacionman prësu apayan.

3Tayta Diosmi nin:

<

Mamaykipa pachanchö kayanqaykipitam qamkunata rikarqü.

Yuriyanqayki junaqpitam marqashqa puritsirqü.

4Rukuyäyaptikipis tsaynöllam cuidayäshayki.

Pasaypa soquyashqatapis yanapayäshaykim.

Qamkunata noqam kamarqü.

Maypa pusharpis cuidayäshaykim.

5<<¿Pimanrä iwalatsiyämanki?

¿Pirä noqanö kanman?

6Wakin runakunam qorita y qellayta balanzachö pësaskir ïdulu ruraqta pägayan ïduluta rurapänanpä.

Rurapaskiptinnam tsay ïdulupa puntanman qonquriykur adorayan.

7Umrushqa aparmi churaränanpä kaqman jamatsiyan.

Jamatsiyanqanpitaqa manam kuyuntsu.

Tsay ïduluqa mayjina rugakuyaptinpis manam salvantsu.

8<

9Unaypitana castaykikunata imanö yanapanqäta yarpäyay.

Noqallam Dios kä.

Noqapita masqa manam juk Dios kantsu.

Manam ima ïdulupis noqanöqa kantsu.

10Noqam unaypitana ima kananpä kaqtapis willakatsï.

Päsananpä atska wata pishiykaptinmi musyatsï.

Ruranäpä yarpanqätaqa llapantam rurä.

11<

Aytsapä mallaqashqa condornömi karu nacionpita shamunqa.

Ninqäta rurananpämi tsay runata pushamushä.

Yarpanqänöllam llapantapis rurashä.

12<

13Karu nacionchö kayanqaykipitam kutitsiyämushayki.

Qorimunäpä ichikllanam pishin.

Siónchö täyänaykipämi kutitsiyämushayki.

Kuyanqä Israel runakuna kayaptikim salvayäshayki>>.