Hebreos 11 - Bible in Quechua of South Conchucos（qxo）

Tayta Diosman yärakuyanqan

1Tayta Diosman yärakurmi musyantsik pay awnimanqantsikkunata cumplinanpä kanqanta. Tsaymi awnimanqantsikkunata manarä rikarpis chaskinantsikpä shuyaraykantsik.

2Tayta Diosman yärakuq unay runakunapis Dios munanqannömi kawayarqan.

3Tayta Diosman yärakurqa kay patsatapis ciëlutapis pay ninqallanwan kamanqantam tantiyantsik. Llapan rikanqantsiktapis mana kaqpitam kamarqan.

4Abelpis Tayta Diosman yärakurmi wawqin Caínpita mas allin kaq sacrificiuta Tayta Diospä rupatsirqan. Abel rupatsinqanta chaskirmi Tayta Dios musyatsirqan alli runa kanqanta.

6Tayta Diosman mana yärakurqa manam imanöpapis pay munanqannö kawashuntsu. Tayta Diosman yärakunapäqa pay kanqanta criyishun. Tsaynölla criyishun payta ashiqkunata yanapanqanta.

7Noépis Tayta Diosman yärakurmi arcata rurarqan diluviupita tsurinkunawan y llumtsuyninkunawan salvakuyänanpä. Diluviu kananpä kanqanta Tayta Dios willaptinmi diluviuta manarä rikarpis arcata rurarqan. Tsaymi mana criyikuq runakunata Tayta Dios ushakätsirpis Noéta salvar jutsaynaqta chaskirqan.

8Abrahampis Tayta Diosman yärakurmi markanta dëjaskir Tayta Dios entregananpä kaq nacionman aywakurqan. Tsaymi may nacionman chänanpä kanqantapis mana musyaykar Tayta Dios ninqannö aywakurqan.

11Sarapis Tayta Diosman yärakurmi chakwanyanqanyaq qolluq kaykarpis qeshyaq rikakurqan. Payqa Tayta Dios awninqanta cumplinanpä kanqantam criyirqan.

13Tayta Dios awninqanta manarä chaskirpis Abraham, Sara, Isaac y Jacob payman yärakuykällarmi wanuyarqan. Manarä chaskirpis Tayta Dios cumpliykaqta rikarmi kushikuyarqan. Paykunaqa kay patsachö qorpanölla kayanqantam tantiyayarqan.

20Isaacpis Tayta Diosman yärakurmi Jacobta y Esaúta bendisarqan.

21Jacobpis Tayta Diosman yärakurmi Josépa tsurinkunata bendisarqan. Wanunanpäna kaykar bendisarmi tukrunman tukmakuykur Tayta Diosta adorarqan.

22Josépis Tayta Diosman yärakurmi Israel mayinkunata willarqan Egiptupita yarquyänanpä kanqanta. Wanunanpäna kanqanta musyarmi paykunata nirqan: <>.

23Moiséspa mamanpis papäninpis Tayta Diosman yärakurmi Faraón mandanqanta cäsuyarqantsu. Tsaymi Moisés yuriptin kuyayllapä kanqanta rikaykur kimsa killantin pakarätsiyarqan.

24Moiséspis Tayta Diosman yärakurmi jövinyaskirqa Faraónpa warmi tsurinpa wamran

29Israel runakunapis Tayta Diosman yärakurmi Puka Lamar tsakishqallata päsayarqan. Peru Egipto runakunam sïqa qepanta yaykuyanqanchö shenqaypa wanuyarqan.

30Tayta Diosman yärakur Israel runakuna Jericó markata qanchis junaq tumapaykäyaptinmi murällanpis juchurqan.

31 Prostitüta Rahabpis Tayta Diosman yärakurmi rikapakuq Israel runakunata kushishqa chaskirqan.

32Tayta Diosman yärakuqkunaqa maspis kayanrämi. Peru tiempum kantsu Gedeónpä,

Wakintanam ñakatsiypa wanutsiyarqan. Tayta Diosta ñëgatsiyänan raykur ñakatsiyaptinpis Tayta Dios kawatsimunanpä kanqanta musyarmi ñëgayarqantsu.

36Tsaynöllam wakinpis ñakayarqan runakuna ashlliyaptin, castigayaptinJer. 20.2; 37.15. y carcelman wichqayaptin.1Rey. 22.26-27; 2Crón. 18.25-26; Jer. 20.2; 37.15; 38.6.

37Wakintam saqmaypa wanutsiyarqan.2Crón. 24.21. Wakintam serruchuwan roquypa wanutsiyarqan. Wakintanam espädawan wanutsiyarqan.Jer. 26.23. Wakinnam pasaypa pobri kar üsha qaratsallapita y cabra qarallapita röpankuna jatishqa marka marka chikishqa puriyarqan.

38Runakuna chikiyaptinmi desiertukunapa y tsunyaq raqrakunapa purir machaykunaman pakakuyaq. Tayta Diosman mana yärakuqkunaqa manam mayqanpis paykunanö alli kayarqantsu.

39Yärakuyanqanpita Tayta Dios paykunata alli rikaptinpis kay patsachö manam mayqanpis Tayta Dios awninqanta chaskiyarqantsu.

40Tsaypa rantinqa mas alli kaqta chaskiyänantam Tayta Dios munarqan. Tsaynöpam paykunapis y noqantsikpis awninqan salvacionta iwal chaskishun.