1Mandaq sacerdötitaqa Tayta Diosmi akran tsaki mikuy ofrendakunata y sacrificiukunata altarchö rupatsiptin jutsankunapita runakuna perdonashqa kayänanpä.
2Sacerdötiqa runalla karmi imachöpis jutsata rurar runa mayinkuna mana tantiyakuypa jutsata rurayaptin kuyapan.
3Tsaymi kikinpa jutsankunapita y runa mayinkunapa jutsankunapita sacrificiuta rupatsin.
4Kikinpa munayllanpitaqa manam pipis mandaq sacerdöti kayman yaykuntsu. Tsaypa rantinqa Tayta Dios churaptinrämi mandaq sacerdöti kayman pipis yaykun. Aarónpis Tayta Dios churaptinrämi mandaq sacerdöti karqan.
7Jesucristo kay patsachö kawanqan witsan waqayparä y qayarayparämi Tayta Diosta mañakurqan. Tsaynö mañakurqan wanuypita salvananpä Tayta Dios poderyuq kanqanta musyarmi. Tayta Dios ninqanta Jesucristo cumpliptinmi rugakunqanta wiyarqan.
8Tayta Diospa Tsurin karpis ñakarrämi cäsukuyta yachakurqan.Mar. 14.32-42; Juan 10.18; Fil. 2.8.
9Tsaynö yachakurmi poderyuq kaykan payta cäsukuqkunata salvananpä.
10Tsaymi Tayta Dios payta churarqan Melquisedecnö mandaq sacerdöti kananpä.
Criyiyanqankunata mana jaqiyänanpä ninqan11Kaykunapita tantiyatsinäpäqa atskarämi kan. Tsaynö kaptinpis ajatarä tantiyayaptikim mastaqa yachatsiyta puëdïtsu.
12Kananyaqqa unaynam yachatsikuq kayankiman. Tsaynö kaptinpis qallaykunanpitarämi yapay yachakuyta munaykäyanki. Pishi wamra mikuyta manarä yachakur lichillatarä chuchuqnömi kaykäyanki.
13Chuchuykaq wamranö karmi tantiyakuyankirätsu Tayta Dios munanqannö kawayänaykipä kanqanta.1Cor. 3.2.
14Qamkunaqa chukru mikuyta mikuqnönam kayankiman. Tsaynö karqa alli kaqta y mana alli kaqta tantiyarmi Tayta Dios munanqannö kawayanki.
Who We AreWhat We EelieveWhat We Do
2025 by iamachristian.org,Inc All rights reserved.
