Oseas 9 - Bible in Quechua of South Conchucos（qxo）

Israel runakunata nacionninpita qarqunanpä ninqan

1Israel runakuna, mañösa warmi runanta dëjaqnömi qamkunapis Tayta Diosta dëjayarquyki.

Cosëchaykikuna alli kananta munarmi juk diosman yärakuykäyanki.

Päguta chaskinanpä prostitüta warmi juk runawan pununqannömi qamkunapis kaykäyanki.

Tsaynö kaykarqa cosëchata qoriyanqaykipita ama kushikuyaytsu.

Wakin nación runakunanöqa kushikuypita ama saltaykachäyaytsu.

2Trïgupis mikuyänaykipä ni vïnupis upuyänaykipä manam aypanqatsu.

3 Tayta Dios entregayäshunqayki nacionchö täyänaykipa rantinqa Egiptumanmi kutiyanki.

Asiriachöna tärarnam mana mikuyänaykipä kaq impüru mikuykunata mikuyanki.

4Tsaychöqa Tayta Diospä vïnuta manam altarman wiñayankinatsu.

Sacrificiuta rupatsiyaptikipis manam chaskiyäshunkinatsu.

Ayata yataq runa impüru kanqannömi mikuynikikunapis impüru kanqa.

Tsay mikuyta pipis mikurqa impürum kanqa.

Manam Tayta Diospa templunman apayänaykipänötsu kanqa, sinöqa kikikikuna mikuyänallaykipämi kanqa.

5Tsaynö kaptinqa ¡imatarä rurayanki Tayta Diosta adorar fiestata rurayänayki junaq!

6Asiria runakuna mana ushakätsishunaykipä qeshpirmi Egiptuchöna täyanki.

Wayikikunapita raslla yarqurmi qellaynikikunatapis jaqiriyanki.

Qellayniki kanqanchöqa ishankallam juntanqa.

Wayikikunachöpis kashallanam wiñanqa.

Egiptuchö wanuyaptiki Menfis jäpa markamanmi pampayäshunki.

Profëtakuna willakuyanqanta Israel runakuna mana chaskiyanqan

7Israel runakunata Tayta Dios castigananpä kaq junaqkuna chämushqanam.

Jutsaykikuna kanqanmanmi juzgayäshunki.

Pasaypa ñakarrämi Tayta Dios castigayäshunqaykita tantiyakuyanki.

Qamkunam nikäyanki profëtakuna upa mana tantiyaq kayanqanta.

Tsaynöllam nikäyanki Tayta Diospa willakuqninkuna löcu kayanqanta.

Tsaynö nikäyanki pasaypa jutsasapa y chiki karmi.

8Kikin Tayta Diosmi profëtakunata churashqa Israelchö rikachakuqnö kayänanpä.

Tsaynö kaptinpis mana alliman ishkiyänanpä trampata churaqnömi kaykäyanki.

Profëtakunata chikirmi Tayta Diospa templunchöpis contran shäriyanki.

9Gabaachö unay runakuna pasaypa jutsasapa kayanqannömi

Adorayanqan dios mana väliq kanqannömi paykunapis mana väliq kayarqan.

11<

Tsaymi warmikunapis qeshyaq kayanqanatsu ni wamrankunapis kanqanatsu.

12Yuriqllantapis wamrakunata chipyaqmi ushakätsishä.

¡Allaw! Paykunata dëjaptï kuyapaypämi ñakayanqa.

13Israel naciontam rikarqü kuyayllapä Tiro markatanö.

Tsaynö kaptinpis mana cäsumar tsurinkunata castïguman apaqnömi kaykäyan.

Castigaptïmi tsurinkunapis wanutsishqa kayanqa>>.

14Tayta Dios, jutsata rurayanqanman Israel runakunata castigay.

Warminkunapis qolluq kayätsun.

Wamran yuriptinpis lichin ama katsuntsu.

15 Tayta Diosmi nin:

<Tsaychömi Israel runakuna rabyanätsiyämarqan.

Tsaynölla jutsata rurayaptinmi wayinpita pitapis qarqunqannö noqapis nacionnïpita qarqushä.

Autoridäninkunapis mana cäsuyämaptinmi Israel runakunata manana kuyashänatsu.

16Efraín runakunaqa qarwashtashqa jachanömi kaykäyan.

Matsun tsakishqa jacha manana wayunqannömi paykunapa wamrankunapis kanqanatsu.

Wamrankuna kaptinpis llapantam wanutsir ushashä>>.

17Efraín runakuna mana cäsukuq kayanqanpitam Tayta Dios dëjanqa.

Nacionninpita qarqushqa karmi jukläman jukläman purir kayanqa.