Jueces 7 - Bible in Quechua of South Conchucos（qxo）

Madianita runakunata Gedeón vincinqan

1Tsaypitanam Jerobaal niyanqan Gedeón y paywan kaykaq runakuna wäraylla yarqur Harod pukyukuna ñöpanchö campamentunkunata rurayarqan. Madianita runakunapa campamentunnam Israel runakunapita norti kaq lädupa karqan. Tsayqa More jirkapa chakin pampachömi karqan.

2Tsaychömi Gedeónta Tayta Dios nirqan: <

3Tsaynö mana kananpä kanan niy mantsariq kaqkuna wayinkunaman kutikuyänanpä>>.

Kutikuyänanpä Gedeón niptinmi ishkay chunka ishkay waranqa (22,000) runakuna kutikuyaptin chunka waranqallana (10,000) Gedeónwan quëdayarqan.

4Yapaymi Gedeónta Tayta Dios nirqan: <>.

5Yakuman runakunata Gedeón pushaptinmi Tayta Dios nirqan: <>.

6Yakuta makinkunawan chaqarkur laqwaypa upuqkunam kimsa pachak (300) kayarqan. Wakin kaqkunaqa qonquriykurmi upuyarqan.

7Tsaynam Gedeónta Tayta Dios nirqan: <>.

8Tsaymi tsay runakunata Gedeón nirqan cornëtakunata y mikuyninkunata dëjaykur wayinkunapa kutikuyänanpä. Kutiskiyaptinmi akranqan kimsa pachak runakunallawanna quëdarqan. Madianita runakunapa campamentunqa ura pampachömi karqan.

9Tsay paqasmi Gedeónta Tayta Dios nirqan: <

10Atacayta mantsarqa sirviqniki Furallawan campamentunman rikapakuq aywar

11imata parlayanqantapis shumaq wiyayanki. Parlayanqanta wiyarmi mana mantsariypa paykunawan pelyayänaykipä kanqanta musyanki>>.

Tayta Dios tsaynö niptinmi contran runakunapa campamentun lädunman sirviqnin Furawan Gedeón aywarqan.

12Tsaychömi madianita runakuna, amalecita runakuna y rupay yarqamunan kaq lädupita shamuq wakin runakunapis imayka allpa kurunörä juntaräyarqan. Tsaynöllam camëllunkunapis yupayta mana atipaypä kayarqan.

13Tsayman chaykur wiyaparaykanqanchömi Gedeón wiyarqan juk soldädu sueñunqanta willar nikaqta: <>.

14Tsaynö willaptinmi amïgun nirqan: <>.

15Sueñunqanta willaykaqta wiyaykurmi Gedeónqa Tayta Diosta agradëcikurqan. Tsaymi Israel runakuna kaykäyanqan campamentuman kutiykur nirqan: <<¡Shäriyay! ¡Tayta Diosmi madianita runakunata podernintsikman churamushqa!>>

16Tsaymi kimsa pachak (300) soldädunkunata kimsa grüpuman rakiskir cornëtakunatawan uyllukunata aypurqan. Uyllukuna rurinman lunyaykaq hisöpukunata wiñarkurmi

17soldädunkunata nirqan: <

18Tsaychö cornëtata tukaskayämuptïmi qamkunapis madianita runakunapa campamentunkunata jiruruypa tsapaskir tukayämunki. Tsaynölla qayaykachar niyämunki: <¡Tayta Diospa espädanwan y Gedeónpa espädanwan contrantsikkunata atacashun!> >>

19Tsaynö yätsiskirmi ishkay grüpu runakunata Gedeón puntanta mandarqan. Paykunapa qepantanam Gedeónqa pachak (100) runakunawan aywar pullan paqas chäyarqan madianita soldädukunapa campamentun jukaq lädunman. Tsay höram campamentuta täpaq soldädukuna trocanakuyarqan. Campamentuman chaykurmi cornëtata tukar apayanqan uyllukunatapis pakiyarqan.

20Tsaymi wakin kaq runakunapis cornëtata tukarnin uyllunkunatapis pakiyarqan. Itsuq kaq makinwanmi aktsinta aptaräyarqan y derëcha kaq makinwannam aptaräyarqan cornëtata. Tsay höram jinchipa niyarqan: <<¡Tayta Diospa espädanwan y Gedeónpa espädanwan contrantsikkunata atacashun!>>

21Tsaynö niskirmi Israel runakunaqa maypapis mana kuyukuypa madianita runakunapa campamentun kuchullanchö jiruruypa ichiräyarqan. Tsaymi madianita runakunaqa qayararnin qeshpiyta munar wakpa kaypa cörrikachäyarqan.

22Cornëtakunata kimsa pachak (300) Israel runakuna tukayaptinmi madianita runakunata Tayta Dios pantakätsirqan kikinpura espädawan wanutsinakuyänanpä. Wakin kaq madianita soldädukunanam Zereraman aywaq nänipa qeshpir Bet-sita läduman aywakuyarqan. Wakinqa Tabatpa lädun Abel-meholapa lindërunyaqmi qeshpiyarqan.

23Madianita soldädukuna qeshpir aywakuyaptinmi Neftalí trïbu runakuna, Aser trïbu runakuna y Manasés trïbu runakuna qorikaykur qatipäyarqan.

24Tsaynöllam Efraín jallqakunaman Gedeón willakatsir nirqan: <>.

Tsaynö willakatsiptinmi Efraín trïbu runakuna llapan qorikaykur Bet-bara väduman y Jordán mayu väduman atacayänanpä aywayarqan.

25Tsayman chaykurmi madianita runakunapa mandaqninkuna Orebta y Zeebta prësu tsariskir Orebta juk qaqachö wanutsiyarqan y Zeebtana üva jarukuna pözuchö wanutsiyarqan. Tsaypitam Orebta wanutsiyanqan qaqapa jutin kaykan Oreb Qaqa y Zeebta wanutsiyanqan pözupa jutin kaykan Zeeb Pözu. Madianita runakunata karuyaq qatipaskirmi Efraín trïbu runakuna Jordán tsimpanman kutiykur Orebpa y Zeebpa umanta Gedeónta entregayarqan.