1¡Aleluya!
Kushishqam kawan Tayta Diosta mantsapakuq runa.
Tsay runam Diospa mandamientunkunata cumplir kushikun.
2Paypita miraqkunam Israel nacionchö munayyuq kayanqa.
Paykunaqa bendiciontam chaskiyanqa.
3Wayinchö imaykankunapis sobray sobraymi kanqa.
Paykunaqa pïmaypäpis alli shonqum kayanqa.
4Wakin runakuna tsakäpakushqanö kayaptinpis alli runaqa aktsichönömi kaykan.
Payqa alli shonqu, kuyapäkuq y allillata ruraqmi.
5Alli runaqa mañakuptin pitapis rasmi qaraykun.
Ima rurayninkunatapis shumaq yarpachakuskirmi ruran.
6Manam imaypis mana allikunataqa rurantsu.
Paytaqa pïmaypis yarpaskinmi.
7Mana alli noticiata wiyarpis manam mantsarintsu.
Ima kaptinpis Tayta Diosmanmi yärakun.
8Imaypis tranquïlum kawan.
Manam imapitapis mantsarintsu.
Chikiqninkuna ushakäyanqantapis rikanmi.
9Pobrikunatam imaypis yanapan.
Allillatam imaypis ruran.
Paytaqa pïmaymi respitayan.
10Tsayta rikarmi mana alli ruraq runaqa payta chikin.
Kiruntapis uchurrämi rabyan.
Mana allita rurananpä yarpachakunqanpis manam kamakanqatsu.
Who We AreWhat We EelieveWhat We Do
2025 by iamachristian.org,Inc All rights reserved.
