2 Crónicas 1 - Bible in Quechua of South Conchucos（qxo）

Yachaq kananpä Tayta Diosta Salomón mañakunqan 1 Reyes 3.3-15

1 Tayta Dios yanapaptinmi Davidpa tsurin Salomón llapan mandanqanchö poderyuq karqan.

2Israel autoridäkunata Salomón qayatsiptinmi soldädukunapa llapan capitanninkuna, juezkuna y Israel runakunapa cada castapa mandaqninkunapis qorikäyarqan.

3Paykunawanmi Gabaón markachö kaykaq altarman Salomón aywarqan.

Tsaychömi Tayta Dioswan Tinkuna Toldu kaykarqan. Tsay toldutaqa Tayta Diospa sirviqnin Moisésmi desiertuchö ruratsishqa karqan.

4Tayta Diospa babulninqa manam Tinkuna Tolduchönatsu karqan, sinöqa Jerusalénchö David ruratsinqan tolduchömi. Tsay tolduchö churaränanpämi Quiriat-Jearim markapita Jerusalénman David apatsirqan.2Sam. 6.1-17; 1Crón. 13.5-14; 15.25—16.1.

5Hurpa willkan y Uripa tsurin Bezaleel ruranqan bronci altarqaÉxo. 38.1-7. Gabaónllachörämi kaykarqan. Tsay altarqa Tayta Dioswan Tinkuna Toldu lädunchömi karqan. Tsaymanmi llapan runakunawan Tayta Diosta mañakuq Salomón aywayarqan.

6 Tayta Diospa puntanchö kaykaq bronci altarchömi sacrificiuta rupatsir waranqa (1,000) ashmakunata Salomón rupatsirqan.

7Tsay paqasmi Salomónta yuripaskir Tayta Dios nirqan: <>.

8Tsaymi Salomón nirqan: <

9Mandanqä runakunaqa lamar kuchunchö arënanörämi yupaytapis mana atipaypä kaykäyan.Gén. 13.16; 28.14. Tsaymi Tayta Dios, mañakamü papänï Davidta awninqaykinölla1Crón. 17.11-14. yanapaykamänaykipä.

10Kuyanqayki Israel runakunata shumaq mandanäpä alli yarpayta y yachayta qaraykallämay. Yarpaynï shumaq mana kaptinqa kaytsika runakunata manam mandayta puëdishätsu>>.

11Tayta Diosnam nirqan: <

12Mañakamanqaykinöllam yanapashayki alli yarpayyuq y yachaq kanaykipä. Tsaynöllam yanapashayki rïcu kanaykipä y respitashqa kanaykipä. Punta kaq reykunapis manam qam kanaykipä kanqannöqa kayashqatsu. Tsaynöllam qepa yaykuq reykunapis qammanqa iwalayanqatsu>>.

13Tsaypitanam Gabaón markachö Tinkuna Toldu kaqpita Jerusalénman Salomón kutiykur Israel runakunata mandar qallaykurqan.

Caballukunata y carrëtakunata Salomón rantinqan 1 Reyes 10.26-29; 2 Crónicas 9.25-28

14Salomónmi atska carrëtakunata y caballukunata rantirqan. Tsaynöpam paypa karqan waranqa chusku pachak (1,400) carrëtankuna y chunka ishkay waranqa (12,000) caballunkuna.1Rey. 4.26. Tsay caballukunatam wakinta churarqan guërra carrëtakuna kaykäyanqan cuartelkunachö kayänanpä y wakintana churarqan Jerusalén palaciun cercachö kayänanpä.

15Rey Salomón qoritsinqan qoripis yuraq qellaypis ruminörämi Jerusalénchö atska karqan.Deut. 17.17. Tsaynöllam cedrutapis Sefelachö plantatsirqan hïgus muntinörä tsaytsika kananpä.

16Salomón mandanqan negociantikunam Egiptupita y Ciliciapita caballukunata rantiyämuq.Deut. 17.16.

17Egiptupita rantiyämunqan juk carrëtam joqta pachak (600) qellay cuestaq y juk caballunam pachak pitsqa chunka (150) qellay cuestaq. Tsay caballukunata y carrëtakunatam wakintaqa rantikuyaq heteo runakunapa mandaqnin reykunata y wakintana Siria runakunapa mandaqnin reykunata.