2 Crónicas 26 - Bible in Quechua of South Conchucos（qxo）

Judá nacionchö Uzías rey kanqan 2 Reyes 14.21-22; 15.1-7

1Tsaypitanam Judá runakuna qorikaykur Amasíaspa tsurin Uzíasta papäninpa rantin rey kananpä churayarqan. Tsay witsan Uzíasqa chunka joqta watayuqmi kaykarqan.

2Paymi papänin wanuskiptin Elat markata1Rey. 9.26. qorirqan Judá nacionpana yapay kananpä. Qoriskirmi shumaq allitsatsirqan.

3Mandayta qallanqan witsanmi Uzíasqa chunka joqta watayuq kaykarqan. Payqa pitsqa chunka ishkay (52) watam Jerusalénpita mandarqan. Mamanmi Jerusalénpita Jecolías karqan.

4Uzíasqa papänin Amasíasnömi Tayta Dios munanqannö kawarqan.

5Tayta Diosman yärakur kawananpämi Uzíasta Zacarías yätsirqan. Zacarías kawanqanyaqqa Tayta Dios munanqannömi Uzías kawarqan. Tsaynö kawaptinmi llapanchöpis Tayta Dios yanaparqan.

6Tayta Dios yanapaptinmi Filistea nacionchö Gat markata, Jabnia markata y Asdod markata soldädunkunawan vinciskir murällankunatapis juchutsir ushayarqan. Tsaynö vinciskirmi filisteo runakuna täyanqan Asdod partichö juk markakunatana shäritsirqan.

7Filisteo runakunata vincinanpä yanapanqannöllam Gur-baalchö täraq Arabia runakunata y meunita runakunata vincinanpä Tayta Dios yanaparqan.

8Tsaynöllam amonita runakunapis impuestuta Uzíasta pägayarqan. Uzías poderyuq kanqantam Egipto nacionpa lindërunyaq musyayarqan.

9Tsaynöllam marka cuidaqkuna rikachakuyänanpä Jerusalénchöpis törrikunata Uzías ruratsirqan. Tsay törrikunam karqan Esquïna punku jananchö, Raqra punku jananchö y esquïna tumarkuna jananchö. Tsay törrikunataqa shumaqmi siguratsirqan tsaypita defiendikuyänanpä.

10Tsaynöllam desiertukunachöpis rikachakuna törrikunata ruratsirqan.

Tsaypitanam Sefelachö y pampakunachö ashmankuna atska kaptin yakutsiyänanpä pözukunatapis uchkutsirqan. Uzíastaqa alläpam gustarqan chakrachö aruy. Tsaymi üva chakrankunachö y wakin chakrankunachöpis aruyänanpä minkayninkuna atskaq karqan. Chakrankunaqa jirkankunachö y pampakunachöpis karqanmi.

11Uzíaspa soldädunkunapis atskaqmi kayarqan. Paykunapa capitanninmi Uzíaspa yanapaqnin Hananías karqan. Cada soldädupa jutintam reypa secretariun Jehiel y yanapaqnin Maasías juk listaman qellqayarqan. Tsay soldädukunam según lista grüpu grüpu guërraman aywayaq.

12Tsay soldädukunapa capitanninkunam kayarqan ishkay waranqa joqta pachak (2,600) castakunapa mandaqninkuna. Paykunaqa pelyayta yachaq valienti runakunam kayarqan.

13Tsay capitankunapa poderninchömi kayarqan kimsa pachak qanchis waranqa pitsqa pachak (307,500) soldädukuna. Paykunam reypa contrankunawan pelyayaq.

14Tsay soldädukunatam Uzías entregarqan escüduta, lanzata, cascuta, bronci chalëcuta, flëchakunata y warakata.

15Jerusalénchönam guërrachö defiendikuyänanpä imayka rikuq mäquinakunata habilidäyuq runakunawan Uzías ruratsirqan. Tsaykunatam törrikunaman y marka murälla janankunamanpis churatsirqan. Tsay mäquinakunawanmi jatusaq rumikunata y flëchakunata jitatsiyaq. Tayta Dios yanapaptinmi rey Uzías poderyuq kanqan maytsaychöpis musyakarqan.

16Tsaynö poderyuq karmi rey Uzíasqa orgullösu karqan. Juk junaqmi mana cäsukur Tayta Diospa templunman yaykurqan inciensiuta altarchö qoshnitsinanpä.

17Tsayman yaykuptinmi qepanta sacerdöti Azarías yaykurqan puwaq chunka (80) allish chölu sacerdöti mayinkunawan.

18Paykunam reyta niyarqan: < inciensiuta qoshnitsinaykipäqa manam qamtatsu churashurqayki. Tsayta rurayänanpäqa Aarónpita miraq sacerdötikunallatam Tayta Dios churashqa.Éxo. 30.7-8; Núm. 3.10. Inciensiuta templuchö qoshnitsirmi jutsata rurarquyki. Tsaynö ruranqaykipita Tayta Dios manam yanapashunkitsu. Kaypita ras yarquy>>.

19Tsaynö michäyaptinmi inciensiu qoshnitsikunan aptashqana kar Uzías pasaypa rabyakurqan. Tsaymi sacerdötikuna rikaykaptin reypa urkunchö jinan höra lepra yuriskirqan. Tsaynö päsarqan templu rurinchö inciensiuta qoshnitsikuna altar ñöpanchö ichiraykaptinmi.

20Rey Uzíaspa urkunchö leprata rikaykurmi sacerdöti mayinkunawan mandaq sacerdöti Azaríasqa jinan höra templu rurinpita jipiyämurqan. Tayta Dios castiganqanta tantiyaskirmi kikin reypis ras yarqurqan.

21Wanunqanyaqmi rey Uzíasqa lepra qeshyawan qeshyarqan. Tsaynö qeshyarmi palaciupita juklächöna täkurqan. Tayta Diospa templun patiuman yaykunantapis manam dëjayarqannatsu. Tsaymi tsurin Jotamna paypa rantin nacionta mandarqan.

22Uzías ruranqankunataqa qallanqanpita ushanqanyaqmi Amozpa tsurin profëta Isaías qellqarqan.

23Uzías wanuskiptinnam unay castankuna pamparäyanqanman pampayarqan. Lepra qeshyawan wanushqa kaptinmi reykuna pamparäyanqan panteón cercallanman pampayarqan. Paypa trokinnam tsurin Jotamna rey karqan.