Salmo 91 - Bible in Quechua of South Conchucos（qxo）

Salmo 91 (90)Imayka mana allipitapis Tayta Dios tsapanqan

1Tayta Diospa poderninchö kawaq runataqa llapanpä poderyuq Tayta Diosmi imaykapitapis tsapanqa.

2 Tayta Diosta mañakurmi nï:

<

Qammi amparakunä törri kanki.

Qamllam yärakunqä Diosnï kanki>>.

3Tayta Diosmi salvashunki contraykipa poderninpita.

Paymi tsapäshunki wanutsikuq qeshyapitapis.

4Paymi älankunawan tsapäshunki.

Älan rurinchö karmi imatapis mantsankinatsu.

Awninqanta cumplirmi escüdunö imaypis tsapäshunki.

5Paqaspa ima kaptinpis manam mantsakunkitsu.

Junaqpa flëchayaptinpis manam mantsankitsu.

6Paqaspa o junaqpa pesti qeshya pïmayta wanutsiptinpis manam mantsankitsu.

7Itsuq kaq läduykipa waranqata (1,000) wanutsirpis y derëcha kaq läduykipa chunka waranqata (10,000) wanutsirpis qamtaqa manam wanutsishunkitsu.

8Kikikim rikanki mana alli ruraq runakunata castiganqanta.

9 Tayta Diosman yärakur kawaptiki y poderösu Diosman amparakuptikiqa

10ima desgraciapis manam päsashunkitsu.

Wayikichö täraqkunapis manam qeshyayanqatsu.

11 Angelninkunatam Tayta Dios mandamunqa maypa aywaptikipis cuidashunaykipä.

12Paykunam tsariyäshunki ni chakillaykitapis rumikunachö mana takakunaykipä.

13Leonkuna y culebrakuna kanqanchöpis tranquïlum purinki.

Malta leontapis y culebratapis jarunkim.

14Tayta Diosmi nin:

<

Jutïchö alabamaqkunatam imaypis cuidashä.

15Mañakayämaptinqa awnishämi.

Llakikuyaptinpis kikïmi paykunawan kaykäshä.

Yanaparmi ñakaykunapita jipishä.

16Atska wata kawayänanpämi yanapashä.

Salvaptïmi imaypis kushikuyanqa>>.