Salmo 62 - Bible in Quechua of South Conchucos（qxo）

Salmo 62 (61)Tayta Diosman yärakunqan 1 (1) Cantaqkunapa mandaqninpämi. Jedutúnpämi. David qellqanqan salmu.

1 1 (2) Tayta Diosllam tranquïlu kawanäpä yanapaman.

Paypitam salvacionnï.

2 2 (3) Payllam salvaman y imaykapitapis tsapäman.

Pakakunä qaqa kaptinmi mana alliman ishkishätsu.

3 3 (4) Qamkunaqa ¡imayyaqrä atacayämanki!

¡Imayyaqrä ushakätsimayta munayanki!

Juchunaykaq pirqatanömi tanqayämanki.

Qotukaykaq murällatanömi kumayämanki.

4 4 (5) Qamkunaqa ushakätsiyämänallaykipämi yarpachakuyanki.

Llullakurmi pasaypa kushikuyanki.

Janan shonqullam allitupäyämanki.

Peru shonquykikunachöqa chikiykäyämankim. Selah

5 5 (6) Tayta Diosllam tranquïlu kawanäpä yanapaman.

Payllamanmi imaypis yärakü.

6 6 (7) Payllam salvaman y imaykapitapis tsapäman.

Pakakunä qaqa kaptinmi mana alliman ishkishätsu.

7 7 (8) Tayta Diosllam salvamaqnïqa.

Pay yanapamaptinmi kushishqa kawaykä.

Paymi tsapäman y rikaman.

8 8 (9) Marka mayikuna, imaypis Tayta Diosman yärakushun.

Llapan shonquntsikwan payta mañakushun.

Tayta Diosmi tsapämaqnintsik kaykan. Selah

9 9 (10) Runakunaqa pobripis y rïcupis jamaynöllam kaykäyan.

Llapan runakunata qoriskir balanzachö pësaptin manam aykäpis lasantsu.

10 10 (11) Tsaynö kaptinqa suwakuyman ama churakäyaytsu.

Jukpa imantapis apayanqaykiwan ama runa tukuyaytsu.

Rïcuyarpis qellaymanqa ama yärakuyaytsu.

11 11 (12) Tayta Dios, atska kutim wiyarqü poderösu

12 12 (13) y kuyapäkuq kanqaykita.

Imanöpis kawayanqanmanmi pitapis juzganki.