Job 36 - Bible in Quechua of South Conchucos（qxo）

1Jobta mastapis Elihú nirqanmi:

2<

Tsaynö kaykaptinqa yarpanqäta ninäpä pacienciayki kaykullätsun.

3Kamakuq Tayta Diosqa imaypis manam llutanta rurantsu.

Tsaynö kanqantam kanan tantiyatsishayki.

4Musyanqaykinöpis rasunpa yachaq runam kä.

Mana llullakuypam rasun kaqllata nishayki.

5<

Payqa pitapis manam manakaqman churantsu.

6Mana alli runakunataqa manaräpis höranchömi ushakätsin.

Peru ñakaqkunapam sïqa janan shärin.

7<

Reykunata mandar yanapayänanpämi churan.

Tsaynöllam alli kawayänanpä yanapan.

8<

9Tsaynö kaptinmi Tayta Dios tantiyatsin jutsata rurayanqanpita y orgullösu kayanqanpita ñakayanqanta.

10Tsaynöllam tsay ñakaywan tantiyatsin jutsa rurayta dëjayänanpä.

11Jutsankunata dëjar Tayta Dios munanqannö kawarqa kushishqam wanuyanqanyaq kawayanqa.

12Mana cäsukurmi sïqa manaräpis aykäta wanuyanqa.

13<

Tayta Dios castigaptinpis manam perdonta mañakuyantsu.

14Jutsa rurayllachö penqakuypä kawarmi jövinllarä kaykar wanuyan.

15Tsaynö kaptinpis jutsa ruraykunata dëjayänanpämi ñakaykunawan Tayta Dios tantiyatsin.

16<

Tranquïlu kawanaykipämi yanapashunki.

Alli mikuyta mikur kawanaykipämi alistapäshunki.

17<

Paypa poderninpitaqa manam qeshpinkitsu.

18Ñakarpis ama yarpaytsu pägaptiki Tayta Dios salvashunaykipä kanqanta.

19Ñakanqaykipita salvashunaykipäqa rïcu kanqaykipis manam välintsu.

Mayjina alli chölu karpis manam qeshpinkitsu.

20Tsaynölla ñakaypita qeshpiyta munar wanuyta ama ashiytsu.

21Tsaypa rantinqa jutsa ruraykunata dëjay.

Jutsata ruranqaykita tantiyakur dëjanaykipämi Tayta Dios ñakaykätsishunki.

22<

Paymanqa manam pï yachatsikuqpis iwalantsu.

23Paytaqa manam ni pipis mandanmantsu.

Imata ruraptinpis manam ni pipis reclamanmantsu.

24Tsaypa rantinqa llapan kamanqanta rikarmi pïmaypis payta alabayan.

Tsaynölla qampis mana qonqaypa payta alabay.

25<

Peru tsaynö kaptinpis karullapita rikaqnö karmi llapantaqa tantiyantsiktsu.

26Tayta Dios poderösu kanqantapis manam shumaqllaqa tantiyantsiktsu.

Ayka watayuq kanqantapis manam musyantsiktsu.

27<

28Pukutaypita tamyatsimurmi kay patsata ushmatsin.

29Manam pipis musyantsu imanöpa pukutayta yuritsimunqanta.

Manam ni pipis mayantsu illaqukuyta imanö bunrurütsimunqanta.

30Entëru lamar jananpam Tayta Dios illaqukuyta chipipïtsimun.

Lamar rurinyaqmi atsikyaynintapis chätsin.

31<

Tsaynöpam mikuypis atska kaykan.

32Poderösu karmi illaqukuytapis makinwan jitamun.

Jitamurmi maymanpis munanqanman chätsin.

33Tsaynö maqakatsimurmi musyatsimantsik rabyanaykanqanta.

Tsaynöpam musyatsimantsik jutsa ruraqkunata castigananpä kanqanta.