Deuteronomio 33 - Bible in Quechua of South Conchucos（qxo）

Moisés bendisanqan

1Moisésqa Tayta Dios akranqan runam karqan. Paymi manarä wanukur Israel runakunata bendisarnin

2nirqan:

< Sinaí jirkapita shamushqa.

Seirpitam atsikyapämarquntsik.

Parán jirkapitam chipipïmushqa.

Chunka waranqa (10,000) angelninkunawanmi shamushqa.

Ninanörämi leyninpis derëcha kaq makinchö chipipïmushqa.

3Tayta Diosqa kuyanmi akranqan runakunata.

Pay munanqannö kawaq santu runakunataqa makinchömi tsararan.

Paykunaqa Diospa puntanmanmi qonqurikuyan.

Tsaychömi tantiyatsinqanta chaskikuyan.

4Diospa leyninkunataqa Moisésmi willamarquntsik.

Jacobpita miraq kashqam tsay leykunaqa herenciantsiknö kaykan.

5Jesurún runakunapa

9Paykunaqa ninqaykita cäsurmi pactu ruranqaykita cumpliyarqan.

Mamankunata, papäninkunata, wawqinkunata y tsurinkunata kuyayanqanpitapis masmi qamta kuyayäshunki.

10Ninqaykikunatapis Jacobpita miraq runakunatam tantiyatsiyan.

Leynikikunatapis Israel runakunatam yachatsiyan.

Läduykichömi inciensiuta qoshnitsiyan.

Altar jananchömi rupatsina sacrificiuta rupatsiyan.

11 Tayta Dios, paykuna sirviyäshunaykipä yanapaykullay.

Paykuna rurayanqan shonquykipänö kaykullätsun.

Chikiqninkuna yarpäyanqankunata manakaqman churaykullay.

Contrankunapis amana shäriyätsunnatsu>>.

12Benjamín trïbu runakunapämi Moisés nirqan:

< kuyanqanmi kaykäyan.

Diospa puntanchö kushishqam kawayan.

Paykunatam imapitapis tsapanqa.

Makillanchömi imaypis tsararanqa>>.

13Josépita miraq trïbu runakunapämi Moisés nirqan:

< bendicionninta churaykullätsun.

Shumaq ushmananpä ciëlupita shullyatsimutsun.

Qarpayänanpä yakutapis patsa rurinpita pashtatsimutsun.

14Tsaynölla rupaypa achayninwan mikuyninkunapis shumaq poquykullätsun.

Cosëchankunapis tiempullanchö alli qeshpiykullätsun.

15Jirkankunachöpis mikuyninkuna alli wayuykullätsun.

Jallqakunachöpis atskata cosechaykuyällätsun.

16Chakrankunapis alli chakra kaykullätsun.

Mikuyninkunapis alli wayuykullätsun.

Rupaykaq shirakachö yuripukuq Tayta Dios paykunata kuyapaykullätsun.

Josétam llapan wawqinkunapita mandaq kananpä akrarqan.

Josépita miraq trïbu runakunapä kay bendición kaykullätsun.

17Punta yuriq töru kallpayuq kanqannömi kallpayuq kaykäyan.

Waqrakuq töru runakunata waqrar ushanqannömi maytsay nación runakunatapis vincir ushayanqa.

Yupaytapis mana atipaypä Efraín runakunaqa tsaynömi kayanqa.

Yupaytapis mana atipaypämi Manasés runakunapis tsaynö kayanqa>>.

18Zabulón trïbu runakunapä y Isacar trïbu runakunapämi Moisés nirqan:

<

Isacar trïbu runakuna toldunkunachö alli kawayätsun.

19Paykunaqa täyanqan läduchö jirkamanmi juklä runakunata qayatsiyanqa.

Tsaychömi Tayta Dios munanqannö sacrificiukunata rupatsiyanqa.

Tsaynöllam lamarchö atska pescädukunata tsarir kushishqa kawayanqa.

Lamar kuchun arënachö tarinqan kaqkunawanmi rïcuyäyanqa>>.

20Gad trïbu runakunapämi Moisés nirqan:

<

Paymi Gad trïbu runakunapa chakrankuna atska kayänanpä yanaparqan.

Paykunaqa cäzaq leonnömi kaykäyan.

Tsaymi vincinqan runapa rikrantapis umantapis pakiyan.

21Paykunaqa allinnin kaq chakrakunatam tsariyashqa.

Chakrankunaqa soldädukunapa mandaqninkunapa allinnin kaq chakrannömi kaykan.

Israel mayinkunata yanaparmi puntanta aywayarqan.

Llapantapis Tayta Dios tantiyatsinqannöllam cumpliyarqan.

Israel nacionchöqa Tayta Dios munanqantam rurayarqan>>.

22Dan trïbu runakunapämi Moisés nirqan:

<>.

23Neftalí trïbu runakunapämi Moisés nirqan:

<

Paykunataqa atskamanmi bendisarqan.

Qocha kuchunpam chakrankunapis kaykan>>.

24Aser trïbu runakunapämi Moisés nirqan:

<

Paykunata Israel mayinkuna kuyayätsun.

Chakinkunata llushiyänanpä olïvus aceitipis sobray sobray kaykullätsun.

25Marka yaykuna punkunpa trancankunapis fiërrupita y broncipita rurashqa kaykullätsun.

Kallpankunapis wanuyanqanyaq kaykullätsun>>.

26<

Payqa pukutay janallanpam yanapayäshunaykipä shamun.

27Imayyaqpis kawaq Tayta Diosmi imaykapitapis tsapäshunki.

Makinchömi imaypis tsararäshunki.

Paymi chikishuqnikitapis puntaykikunapita qarqun.

Tsaynö qarquptinmi qatikachar ushakätsiyanki.

28Israel runakunaqa tranquïlum kawayanqa.

Jacobpita miraqkunapis kushishqam kawayanqa.

Chakrankunachö trïgupis üvapis allim wayunqa.

Tiempullanchömi tamyapis tamyamunqa.

29Israel runakuna, qamkunatam Tayta Dios kuyayäshunki.

Qamkunanö kushishqa kawaytaqa ¿pirä munanmantsu?

Qamkunataqa Tayta Diosmi salvayäshurquyki.

Paymi imaykapitapis tsapäshunaykipä escüdu kaykan.

Paymi contraykikunata vinciyänaykipä espäda kaykan.

Pay yanapayäshuptikim chikishuqnikikunatapis ushakätsiyanki.

Diosninta adorayanqan altarkunatapis chipyaqmi juchutsiyanki>>.