Salmo 102 - Bible in Quechua of South Conchucos（qxo）

Salmo 102 (101)Llakikur mañakunqan 1 (1) Pasaypa ñakaychö kar Tayta Diosta mañakunqan.

1 1 (2) Tayta Dios, mañakamunqäta wiyaykallämay.

Qayakamunqäta chaskiykullay.

2 2 (3) Llakikunqä höra noqapita ama pakakuykullaytsu.

Rugakamuptï chaskiykallämay.

Mañakamunqäta ras wiyaykallämay.

3 3 (4) Qoshni illakaqnömi vïdäpis ushakaykan.

Ninanörämi tullükunapis achachan.

4 4 (5) Qewa äjusyanqannömi shonqüpis aywapakaykan.

Manam mallaqaypis kantsu.

5 5 (6) Llakikuywanmi custilläkunapis yupariyllapäna kaykan.

6 6 (7) Jäkuqchö tukunömi kaykä.

Raqäkunachö chusiqnömi kaykä.

7 7 (8) Manam punuytapis tarïtsu.

Wayi jananchö japallan pishqunömi kaykä.

8 8 (9) Chikimaqnïkunam cada rätu abusayäman.

Imay hörapis jutïta joqarirmi maldicionayäman.

9 9 (10) Mikunäpa trokinmi uchpa jananchö jamaraykä.

Yakutapis weqïtawanmi upuykä.

10 10 (11) Tsaynö kaykä rabyar castigamaptikim.

Jayarkurmi tsapiskamarquyki.

11 11 (12) Llantuy päsanqannömi kawaynï ushakaykan.

Qewa tsakiqnömi pasaypa tsakiykä.

12 12 (13) Tayta Dios, qammi imayyaqpis rey kanki.

Qamtaqa imayyaqpis yarpäyäshunkim.

13 13 (14) Siónta kuyapar janan shäriykullay.

Kuyapar perdonanaykipämi höra chämushqana.

14 14 (15) Sirvishuqnikikunaqa tsaychö kaq rumikunatapis kuyayanmi.

Raqällatana rikarmi pasaypa llakikuyan.

15 15 (16) Siónta kuyapaptikim maytsay nacionchö täraq runakuna respitayäshunki.

Kay patsachö llapan reykunam poderyuq kanqaykita tantiyayanqa.

16 16 (17) Tsaynömi tantiyayanqa Siónta yapay shäritsiptiki.

Tsayta rikarmi pïmaypis poderösu kanqaykita musyayanqa.

17 17 (18) Pïninpis mana kaqkuna mañakayämunqantam wiyanki.

Mañakayämushuptiki manam upa tukunkitsu.

18 18 (19) Qepa yuriqkunapis Tayta Diosta alabayänanpä pay ruranqankunata qellqashun.

19 19 (20) Tayta Diosmi ciëluchö sagrädu wayinpita kay patsata rikamurqan

20 20 (21) waqaykaq prësukunata yanapananpä

y condenashqa runakunata wanuypita salvananpä.

21 21 (22) Tsaymi Siónchö Tayta Diospa jutinchö adorayanqa.

Allita ruraq kanqanpitam Jerusalénchö alabayanqa.

22 22 (23) Tsaychömi llapan nación runakuna Tayta Diosta adorayänanpä qorikäyanqa.

23 23 (24) Tayta Diosmi kallpätapis ushakätsishqa.

Wallka watallana kawanäpämi permitishqa.

24 24 (25) Tsaymi mañakur nirqä:

<

Qamqa mana ushakaypam kawanki.

25 25 (26) Kamanqayki höram kay patsatapis shumaq takyatsirquyki.

Ciëlutapis makikiwanmi kamarquyki.

26 26 (27) Llapan kamanqayki ushakaptinpis qamqa imaypis kaykankim.

Röpa makwayaqnömi llapanpis ushakanqa.

Röpata llushtiqnöllam trocatsinki.

Trocaskatsirqa manam cäsunkinatsu.

27 27 (28) Llapan ushakaptinpis qamqa imaypis kanqaykinöllam kaykanki.

Qamqa manam imaypis rukuyankitsu.

28 28 (29) Sirvishuqnikikunapita miraqkunatam imaypis yanapanki.

Paykunaqa puntaykichömi imaypis kawayanqa>>.