1Kaychömi qellqashqa kaykan Tayta Diospa willakuynin Hadrac markachö y Damasco markachö täraq runakunapä.
3Tiro runakunaqa markankunata tsapananpä altu murällatam shäritsiyashqa. Pasaypa rïcu kayänanpämi allpatanörä qellayta qoriyashqa y mitutanörä qorita qoriyashqa.
4Peru tsaynö kaykaqtam Tayta Dios pobriyätsinqa. Imaykankunatapis lamarman jitaskirmi markankunata chipyaq rupatsinqa.
5Tsayta rikarmi Ascalón markachö täraqkunaqa pasaypa mantsariyanqa. Gaza runakunapis pasaypa llakikurmi tsuktsukyäyanqa. Pipis yanapananpä manana kaptinmi Ecrón runakunapis pasaypa llakikuyanqa. Gaza markapa mandaqnintapis wanutsiyanqam. Ascalón markapis tsunyaqmi quëdanqa.
6Asdod markachöpis jäpa runakunam täyanqa.
Tayta Diosmi nin: <
Paymi allillata ruraq salvashuqniki.
Humildi karmi ashnun muntashqa shamuykan.
Malta ashnun muntashqam shamuykan.
10< Jerusalénchö guërrapä kaq caballukunatapis llapantam ushakätsinqa. Guërrata rurayänanpä flëchankunatapis llapantam ushakätsinqa. Paymi maytsay nacionchö täraq runakunapä alli kawayta apamunqa. Lamarpa jukaq kuchunpita jukaq kuchunyaqmi kay patsachö täraqkunata mandanqa. Tsaynöllam Éufrates mayupita kay patsa kuchunyaq mandanqa. 11< Yakuynaq jatun pözuchönö prësu kaykäyanqaykipitam jipiyämushayki. 12¡Juklä nacionchö tarpis kutimuyta yarparqa nacionnikikunaman kutikayämuyna! Alläpa ñakayanqaykipita ishkay kuti mastam bendicionnïta churamushä. 13Judá runakuna, flëcha jitakunänömi kayanki. Efraín runakuna, flëchänömi kayanki. Sión runakuna, espädänömi kayanki. Qamkunatam mandayäshayki Grecia runakunata podernikiman churayänaykipä>>. 14Kuyanqan runakunaman Tayta Dios shamurmi flëchankunatapis maqakuytanörä contrankunaman jitanqa. Poderösu Tayta Diosmi cornëtanta tukar sur kaq lädupita shukukuy vientunö shamunqa contrankunata ushakätsinanpä. 15Kuyanqan runakunatam llapanta mandaq Tayta Dios tsapanqa. Tsaynö tsapaptinmi contrankuna warakarpis chätsiyanqatsu. Tsaymi kuyanqan runakuna kushikurnin machashqa runanö büllata rurayanqa. Chikiqninkunata wanuskatsirmi yawarninwan oqukushqa kayanqa. Sacrificiupä qorinqan yawar tazonchö junta wiñaraykaqnö y altarpa waqrankunachö yawar pichuraykaqnömi chikiqninkunapa yawarninwan pichushqa kayanqa. 16Tsay junaqmi Tayta Dios kuyanqan runakunata salvanqa. Mitsikuq runa üshankunata salvanqannömi paykunatapis salvanqa. Kuyanqan runakunaqa corönachö kuyayllapä adornunömi nacionninkunachö kayanqa. 17Täyanqan nacionmi maypis täkuypä y kuyayllapä kanqa. Trïgupis y mushuq vïnupis atskam kanqa. Tsaychömi ollqu wamrakunapis y warmi wamrakunapis kuyayllapä wiñayanqa.
Who We AreWhat We EelieveWhat We Do
2025 by iamachristian.org,Inc All rights reserved.
