Job 24 - Bible in Quechua of South Conchucos（qxo）

1<

2Mana alli ruraq runakunaqa chakrapa mujunninkunatapis wititsiyanmi.

Suwakuy üshakunallatam mitsikur puriyan.

3Waktsakunapa ashnuntapis qechuyanmi.

Viüdapa yuntantapis prendam apayan.

4Pobrikunataqa nänipa puriyänantapis michäyanmi.

<

5Desiertuchö qewata chucaru ashnu ashinqannömi pobrikunaqa mikuyta ashiyan.

Tsurinkunapäpis desiertullachömi mikuyta ashiyan.

6Imanpis mana kaptinmi trïgutapis üvatapis mana alli runapa chakrankunallachö pallapakuyan.

7Punur qatakuyänanpä cäman mana kaptinmi alatsikur qallapächulla waräyan.

8Jirkakunachö täyaptinmi tamyapis pasaypa jutunqanyaq ushan.

Tsaymi llantukuyänanpäpis qaqakunaman aywayan.

9<

Pobrikunapa imantapis prendam qechuyan.

10<

Trïguta ashtapakurpis pasaypa mallaqarmi aruyan.

11Yakunaypita wanunaykarmi aceitita jipiyänanpä aceitünasta aqapakuyan.

Vïnuta jipiyänanpäpis üvatam jarupakuyan.

12Markachö pasaypa ñakatsiyaptin wanunar mañakuyaptinpis Tayta Dios manam cäsuntsu.

13<

14Wanutsikuq runaqa patsa tsayrä waraykaptinmi pobrikunata wanutsin.

Patsa tsakaskiptinqa suwakuqnam aywayan.

15<

Patsa tsakaskiptinqa pipis mana reqinanpämi cäranta tsapakurkur aywayan.

16<

Pipis rikananta mana munarmi junaqpa pakaräkuyan.

17Patsa waränantapis manam munayantsu.

Tsakaypam sïqa mana mantsariypa puriyan.

18<

Chakrankunapis maldicionädu kaptinmi üva chakrankunachö pipis aruntsu.

19Pasaypa usyaptin rashta tsullur ushakanqannömi jutsa ruraq runakunapis wanur ushakäyanqa.

20Paykunataqa mamanpis qonqaykunmi.

Kurukunam mikur ushayanqa.

Qeruta wallur ushayanqannömi ushakäyanqa.

Tsaymi pipis paykunata yarpanqanatsu.

21<

Viüdakunatapis manam yanapayantsu.

22Poderösu kayaptinpis tsay runakunataqa Tayta Diosmi ushakätsinqa.

Paykunaqa manam imanöpapis salvakuyanqatsu.

23Shonqun yarpanqannö kawayänanpä permitirpis Tayta Diosqa imata rurayanqantapis rikaykanmi.

24Mana alli ruraq runakunaqa juk rätullam alli kawayman chäyan.

Tsaymi manaräpis aykäta ushakäyan.

Segashqa qewanömi wanuyan.

Segashqa trïgunömi ushakäyan.

25<<¿Tsaynöku o manaku?

Ninqäkunaqa rasun kaqmi.

Tsaynö kaykaptinqa parlanqäta ama pipis manakaqman churatsuntsu>>.