Isaías 60 - Bible in Quechua of South Conchucos（qxo）

Mushuq Jerusalén kananpä ninqan

1 Tayta Diosmi nin:

<<¡Shäriy, Jerusalén!

Salvacionniki chämushqana kaykaptinqa ¡atsikyay!

Podernïmi qamchö atsikyaykan.

2Kay patsatam tsakay tsapashqa.

Nacionkunatapis tsakaymi ñitishqa.

Peru qammanmi sïqa patsa warämuqnö chämushä.

Podernïwan yanapanqätam pïmaypis rikayanqa.

3Aktsinö kaptikim llapan nación runakuna qamman shayämunqa.

Patsa waraqnö atsikyaptikim reykunapis shayämunqa.

4<

Maytsaypita qorikaskirmi runakuna shamuykäyan.

Ollqu wamraykikunapis karupitam shamuykäyan.

Warmi wamraykikunatapis marqashqam apaykäyämun.

5Paykuna chäyämuptinmi pasaypa kushikunki.

Shonquykipis kushikurmi atsikyaskinqa.

<

Nacionninkunapa riquëzankunatam qampä apayämunqa.

6Madiánpita y Efapitam camëllunkunawan tröpa tröparä juntayämunqa.

Qorita y inciensiuta apakurkurmi Sabápitapis shayämunqa.

Noqata alabayämarmi chäyämunqa.

7Cedarchö üshakunatapis qampämi qatiyämunqa.

Altarchö rupatsiyänaykipämi Nebaiotchö carnërukunata qatiyämunqa.

Tsay rupatsiyanqaykim shonqüpänö kanqa.

Maytsaypita imaykatapis apayämuptinmi templüpis kushikuypä kanqa.

8< pukutaynörä shamuykaqta y palumakuna pununanman kutimuqnö runakuna shamuykaqta rikay.

9Tsay büquikuna karu nacionkunapitam shamuykäyan.

Tsay nacionkunachö täraq runakunapis noqamanmi yärakayämun.

Tarsispita jatusaq büquikunam puntankunata shamuykan.

Karupitam wamraykikunata apaykäyämun.

Qorita y qellayta apakurkurmi shamuykäyan.

Tsaynö shamuykäyan qamchö pasaypa espantaypä kaqkunata ruranqäpita adorayämänanpämi.

Noqaqa Israel runakunapa santu Tayta Diosninmi kä.

10<

Jäpa runakuna shamurmi marka murällaykikunatapis allitsayanqa.

Mandaqnin reykunapis ninqaykitam rurayanqa.

11Maytsay nacionkunapita riquëzankunata apayämunanpämi paqaspapis junaqpapis punkuykikuna kicharanqa.

Reykunatapis qammanmi pushayämunqa.

12Mayqan nación runakunapis ninqaykita mana rurayaptinqa chipyaq ushakätsishqam kayanqa.

13<

Tsaynöpam templü kuyayllapä kanqa.

14Ñakatsishuqnikikunapa wamrankuna respitayäshurnikim läduykiman chäyämunqa.

Manakaqman churashuqnikikunapis llapanmi puntaykiman qonqurikayämunqa.

Paykunam niyanqa Tayta Diospa markan kanqaykita.

Tsaynömi niyanqa Israel runakunapa santu Tayta Diosnin täranqan Sión kanqaykita.

15<<Ñöpata dëjashqa y chikishqa karmi tsunyaq marka karqayki.

Tsaynö kashqa kaptikipis kuyayllapä y kushishqa imayyaqpis kanaykipämi yanapashayki.

16Llapan nisitanqaykikunatapis maytsay nacionkunapitam apayämunqa.

Reykunapis llapan munanqaykitam alistapäyäshunki.

Tsaynöpam musyanki noqa Tayta Diosniki salvakuq kanqäta.

Tsaynöllam musyanki Jacob yärakunqan poderösu Dios kar qamta tsapanqäta.

17<

fiërrupa rantin qellayta,

qerupa rantin broncita

y rumipa rantin fiërruta alistapäshayki.

Qamchö täraqkuna allim kawayanqa.

Alli kaqllatam imaypis rurayanqa.

18Qam kaqchöqa manam wanutsinakuypis kanqanatsu.

Nacionnikichö ushakätsinakuyänanpa rantinqa allinam kawayanqa.

Marka yaykuna punkuykikunapa päsaq runakunapis kushishqam alabayämanqa.

19<

Noqa Tayta Diosmi imayyaqpis aktsiki y salvashuqniki kashä.

20Tsaymi rupay mana jeqaqnö y killa mana tsakaqnö imaypis qampä kashä.

Noqa Tayta Diosmi imayyaqpis aktsiki kashä.

Qamta tsaynö cuidaptïmi imaypis llakikunkinatsu.

21<

Qamchömi imayyaqpis paykuna täyanqa.

Poderösu kanqäta pïmaypis musyayänanpämi plantanqäpita yapay tseqllimuqnö kayanqa.

22Juk ishkay quëdaqkunam waranqanpa mirayanqa.

Wallkalla quëdaqkunam poderyuq nación tikrayanqa.

Noqa Tayta Diosmi permitishä pöcu tiempullachö tsaynö kananpä>>.