Proverbios 24 - Bible in Quechua of South Conchucos（qxo）

19

1Mana alli ruraq runakunapa imanpis kaptin ama nanaparaytsu ni paykunawan ama puriytsu.

2Paykunaqa runa mayinta atacayänallanpämi yarpachakuyan.

Mana allita rurayänallanpämi willanakuyan.

20

3Tantiyakuq runaqa shumaq yarpachakuskirmi cimientuta ruraykur wayita shäritsin.

4Tsaypitanam shumaq tantiyakuykur kuyayllapä rantinqankunata wayinman churan.

21

5Yachaq kayqa kallpasapa kaypitapis masmi välin.

Tantiyakuq runaqa pasaypa poderyuqmi.

6Shumaq yarpachakuskirrämi guërrata rurayan.

Atskaq tantiyatsiqkuna kaptinrämi guërrachö vinciyan.22

7Mana tantiyakuq runaqa imayka upanömi ni imatapis musyantsu.

Tsaymi qorikäyanqanchö imata parlaytapis puëdintsu.

23

8Pipapis contran shärinanpä yarpachakuqkunataqa mana alli ruraq runa niyanmi.

9Mana tantiyakuq runaqa jutsa rurayllapämi yarpachakun.

Llutan parlaq runataqa pïmaypis chikinmi.

24

10Problëmapita qeshpirqa waylläyum kanki.

25

11Pitapis wanutsinanpä kanqanta musyarqa qeshpitsiy.

Imapis manarä päsaptin salvay.

12Musyaykar <> niptikipis Tayta Diosqa llapantam rikaykan.

Llapan imaykata musyarmi pïmayta imanöpis kawanqanman juzganqa.26

13Hïju, abëjapa mishkinta mikuy.

Kawkayparä mishkinqanta musyanaykipä yaway.

14Tsay mishkita mikur kushikunqaykinömi tantiyakuq y yachaq karpis kushikunki.

Yachaq karqa pïmaypitapis respitashqam kanki.

Llapan yarpanqaykipis kamakanqam.27

15Alli ruraq runapa contran ama shäriytsu.

Wayintapis ama suwapaytsu.

16Qanchis kuti desgracia päsaptinpis yapaymi shärinqa.

Peru mana alli ruraq runakunam sïqa desgracia päsaptin ushakäyanqa.

28

17Contrayki runata ima desgracia päsaptinpis ama kushipaytsu.

18 Tayta Diosqa manam munantsu pitapis kushipänaykita.

Kushipaptikiqa kikikitam castigashunki.

29

19Mana alli ruraq runakunata ama rabyapaytsu.

Jutsa ruraq runakunapa imanpis kaptin ama nanaparaytsu.

20Paykunaqa desgraciallachömi ushakäyanqa.

Aktsi upiqnömi illakäyanqa.

30

21Hïju, Tayta Diosta y reyta mantsapakuy.

Diosta y reyta mana cäsuqkunawanqa ama juntakaytsu.

22Paykunataqa Tayta Diospis y reypis illaqpitam castiganqa.

Manam ni pï musyantsu imanö castigananpä kanqantapis.

Yachaq runakunapa wakin yachatsikuyninkuna

23Kaychömi qellqashqa kaykan yachaq runakunapa yachatsikuyninkuna.

Autoridäkuna pipapis janan shärir juzgayanqan manam allitsu.

24Jutsayuq kaptinpis jutsaynaq kanqanta juez niptinqa runakunam maldicionayanqa.

Juklä nación runakunapis musyaskirqa mana allim rikayanqa.

25Peru jutsata ruranqanman juzgarqa alli rikashqam kanqa.

Pïmaypis favorninmi parlayanqa.

26Imata tapukuptinpis shumaq tantiyatsiptinqa pïmaypis kushikunqam.

27Wayita shäritsinaykipäqa puntata chakra aruynikitarä ushay.

28Ama runa mayikipa contran llutallaqa imatapis parlaytsu.

Manakaqkunataqa pitapis ama tumpaytsu.

29Runa mayiki contrayki shäriptinpis qamqa venganzata ama ashiytsu.

30Juk kutim päsarqä qela runapa y mana tantiyakuq runapa chakranpa.

31Tsaychömi rikarqä chakranchöpis pasaypa kashakuna juntashqata y pirqanpis juchushqata.

32Tsaynö kaykaqta rikaykurmi yarpachakur nirqä:

33<

34chipyaqmi pobriyanki.

Armanwan suwa suwapäshuptiki jinaylla quëdaqnömi kanki>>.