Salmo 22 - Bible in Quechua of South Conchucos（qxo）

Salmo 22 (21)Pasaypa llakikur Tayta Diosta alabanqan 1 (1) Cantaqkunapa mandaqninpämi. Wäraypa yarqamuq lluytsu niyanqan cantupa tönunwan kay salmuta cantayanki. David qellqanqan salmu.

1 1 (2) Tayta Dios, Tayta Dios, ¿imanirtä dëjamanki?

¿Imanirtä salvamankitsu?

¿Imanirtä llakikur mañakamuptïpis wiyamankitsu?

2 2 (3) Tayta Dios, junaqpa mañakuptïpis manam wiyamankinatsu.

Paqaspa mañakurpis manam tranquïlutsu kä.

3 3 (4) Imanö kaptinpis qamqa santum kanki.

Qamqa reymi kanki.

Qamtam Israel runakuna alabayäshunki.

4 4 (5) Unay Israel mayïkunapis qammanmi yärakayämurqan.

Yärakayämuptinmi imaykapitapis salvarqayki.

5 5 (6) Mañakayämushuptikim yanaparqayki.

Qamman yärakamuq kaqtaqa manam dëjarquykitsu.

6 6 (7) Peru noqaqa kurunölla karmi mana cäsushqa kaykä.

Marka mayïkunapis asipämarmi manakaqman churayäman.

7 7 (8) Rikamaqkunaqa kushipämarmi asikuyan.

Umankunatapis awirrämi

9 9 (10) Tsaynö niyaptinpis qam munaptikim yurirqü.

Mamäpa millqayninchö tranquïlu kanäpäpis qammi yanapamarquyki.

10 10 (11) Manarä yuriptïmi cuidamarqayki.

Mamäpa pachanchö kanqäpitam Diosnï kanki.

11 11 (12) Taytay, ama dëjaykallämaytsu.

Pasaypa llakikuychömi kaykä.

Dëjamaptikiqa ¡pirä yanapamanqa!

12 12 (13) Chikimaqnïkunaqa waqrakuq törukunanörämi tumapäyäman.

Paykunaqa Basánchö kaykaq kallpasapa törukunanömi kayan.

13 13 (14) Mallaqashqa leonkunanörämi qayaraykäyan.

Äyakurkurmi noqaman cörriyämun.

14 14 (15) Tsaymi yaku jichar ushakanqannö kallpäpis ushakashqa.

Tullükunapis chipyaqmi qotukashqa.

Shonqüpis cëra tsulluqnömi ushakaykan.

15 15 (16) Shimïpis kankakayparämi tsakin.

Qallüpis pasaypa tsakirmi watakan.

Wanushqatanömi allpachö dëjamarquyki.

16 16 (17) Conträkunam kanikuq allqukunanö jiruruypa tsaparäyäman.

Makïta y chakïtam rachir ushayashqa.

17 17 (18) Tullükunapis pasaypam yupanakuykan.

Kushipämarmi rikapaykäyäman.

18 18 (19) Röpätapis rakipänakuyashqam.

Mayqanpis apakunanpämi suertiyayashqa.

19 19 (20) Tayta Dios, ama dëjamaytsu.

Qammi valorta qomanki.

Ras shamur salvaykallämay.

20 20 (21) Runakuna wanutsiyämänanpita tsapaykallämay.

Tsay allqukunapita salvaykallämay.

21 21 (22) Tsay leonkunapita washaykallämay.

Tsay waqrakuq törukunapitapis qeshpiykatsillämay.

22 22 (23) Salvakuq kanqaykitam wawqïkunata willashä.

Paykunawan qorikaykurmi alabashayki.

23 23 (24) Tayta Diosta mantsapakuqkuna, payta alabayay.

Jacobpita miraqkuna, payta adorayay.

Israelpita miraqkuna, payta respitayay.

24 24 (25) Tayta Diosqa ñakaychö kaqkunatam kuyapan.

Mana qonqaypam paykunata yanapan.

Mañakuyaptinqa wiyanmi.

25 25 (26) Runakuna qorikäyanqanchömi alabashayki.

Mantsapakushuqnikikunapa puntanchömi awninqäkunata cumplishä.

26 26 (27) Pobrikunaqa pacha juntam mikuyanqa.

Tayta Diosta ashiqkunaqa paytam alabayanqa.

Paykunaqa imayyaqpis kushishqam kawayanqa.

27 27 (28) May nacionpita karpis Tayta Diosmanmi yärakuyanqa.

Pï casta karpis puntanman qonqurikuykurmi adorayanqa.

28 28 (29) ¡Tayta Diosmi mandamaqnintsik rey!

¡Paypa poderninchömi llapan nacionkunapis!

29 29 (30) Tsaymi munayyuq runakuna kushikur adorayanqa.

Llapan runakunapis wanuyänanpä kanqanta tantiyakurmi puntanman qonqurikuyanqa.

30 30 (31) Tsurintsikkunapis Tayta Diostam sirviyanqa.

Paypitam imayyaqpis willakuyanqa.

31 31 (32) Alli ruraq kanqaykitam qepa yuriqkunatapis willayanqa.

Llapantapis cumplinqantam willayanqa.