2 Samuel 7 - Bible in Quechua of South Conchucos（qxo）

Davidta Tayta Dios awninqan 1 Crónicas 17.1-14

1 Tayta Dios yanapaptin llapan contrankunata vinciskirmi palaciunchö rey David tranquïluna täkurqan.

2Tsaymi profëta Natánta qayaykatsir nirqan: <>.

3Natánnam nirqan: <>.

4Tsay paqasmi Natánta Tayta Dios nirqan:

5< nin: Noqa täkunä wayitaqa manam qamtsu shäritsinki, sinöqa jukmi shäritsinqa.

6Egiptupita Israel runakunata jipimunqä junaqpita hasta kananyaq manam wayichötsu tärarqü, sinöqa jukläman jukläman puritsikuna toldullachömi tärarqü.

7Kaytsika unayna kuyanqä Israel runakunawan purirpis churanqä autoridäninkunata manam imaypis mañakurqütsu cedru qerupita wayita rurapäyämänanpä>.

8< nin: Üshata mitsikur puriykaptikim qamta akrarqü Israel runakunapa mandaqnin rey kanaykipä.

9Tsaymi maypa aywaptikipis qamta yanapar contraykikunatapis llapanta ushakätsirqü. Tsaynöllam yanapashayki kay patsachö mas poderyuq runakuna kayanqannö qampis kanaykipä.

10<<

11Churanqä juezkuna mandayanqan witsanpitam kuyanqä Israel runakunata atacayarqan. Qamtam yanapashayki llapan chikishuqnikikuna achäquita mana ashipäyäshunaykipä.

<< nin: Kananmi qamta awnï qampita miraqkuna imaypis rey kayänanpä.

12Tsaymi wanukur unay castaykikunawan tinkuq aywaptikipis juk tsurikita churashä rey kananpä.

13Paymi noqapä wayita shäritsinqa. Paypita miraqkunam imaypis reykuna kayanqa.

14Noqam paypa papänin kashä. Paynam noqapa tsurï kanqa. Imatapis llutanta ruraptinqa imayka taytan tsurinkunata castiganqannömi castigashä.Tayta Diosta David mañakunqan 1 Crónicas 17.15-27

17Revelacionchö Tayta Dios tsaynö ninqanta wiyanqannöllam Davidman aywaykur llapanta Natán willarqan.

18Willaptinmi Tayta Diospa puntanman aywaykur David nirqan: <. Tsayläya yanapayämänaykipä manam noqapis ni castäkunapis merëciyätsu.

19Tsaynöllam nimarquyki noqapita miraqkuna imaypis rey kayänanpä kanqanta. Tayta Dios, runakunapä yarpanqayki tsaynö kaptinmi pasaypa kushikü.

20< ¿imatanarä masta mañaküman?

21Kuyamarmi musyatsimarquyki llapan tsay awnimanqaykita cumplinaykipä kanqanta.

22< kanki. Manam pipis qamnö poderyuqqa kantsu. Tsaynöllam qampita masqa ima diospis kantsu. Japallayki Dios kanqaykitam unay castäkunapis willayämarqan.

23Kuyanqayki Israel runakunatanöqa manam pitapis yanaparquykitsu. Israel runakunata Egiptuchö esclävu kaykäyanqanpita jipimunqaykinöqa manam mayqan nación runakunatapis sirviyäshunaykipä jipimurquykitsu. Kuyanqayki runakunata jipimurmi llapanpä poderyuq kanqaykita musyatsirquyki. Poderösu karmi contran shäriq nacionkunata diosninkunatawan ushakätsirquyki.

24Tayta Dios, Israel runakunatam akrarquyki kuyanqayki runakuna imayyaqpis kayänanpä. Tsaynöllam nirquyki paykunapa Diosnin imayyaqpis kanaykipä.

25< noqapä y noqapita miraqkunapä awnimanqaykikunata imaypis cumpliykullay.

26Tsaynö cumpliptikim runakuna imayyaqpis alabayäshurniki pïmaypis niyanqa: Israel runakunapa Diosnin>. Tsaynömi noqapita miraqkuna qampa puntaykichö imaypis rey kayanqa.

27< qammi tantiyatsimarquyki noqapita miraqkuna imaypis reykuna kayänanpä kanqanta. Tsaynö kaptinmi sirviqniki kar tsay awnimanqaykita cumplinaykipä mana mantsaypa qamta mañakamü.

28Tayta Dios, qampita mas juk Dios manam kantsu. Llapan ninqaykikunapis rasun kaqmi kaykan. Tsaymi musyä tsay awnimanqaykikunata cumplinaykipä kanqanta.

29Sirviqniki kaptï noqapita miraqkuna imaypis sirviyäshunaykipä bendicionnikita churaykullay. Tayta Dios, bendicionnikita churanaykipämi awnimarqayki. Awnimanqaykita cumpliptikim noqapita miraqkuna imaypis bendicionta chaskiyanqa>>.