1Cartakuyanqanta liyiskirmi rey Darío Babilonia nacionpa väliq documentukuna churaräkunanchö actata ashitsirqan.
2Media provinciachö Acmeta markachö kaykaq palaciuchömi ashinqan actata tariyarqan. Tsay actachömi qellqashqa karqan:
3Persia nacionpa mandaqnin rey Ciro juk watana mandaq kaykarmi ordinar nirqan:
Tayta Diospä sacrificiukunata rupatsiyänaykipä alli cimienturkur Jerusalénchö Tayta Diospa templunta yapay shäritsiyay. Tsay templupa altun y anchunpis ishkay chunka qanchis (27) metru katsun.
4Cada kimsa fïlata jatusaq llaqllashqa rumikunawan pirqarkur juk fïlata allin kaq mushuq tablakunawan entablatsiyay. Llapan gastukunataqa tesorërum päganqa.
5Qoripita y qellaypita rurashqa manëjukunata Tayta Diospa templunpita Nabucodonosor Babiloniaman apamunqantapis Jerusalénman kutitsir Tayta Diospa templunman churayätsun.
6Tsaynö liyiskirmi rey Daríuqa Éufrates mayu tsimpan provinciapa gobernadornin Tatnaita, Setar-boznaita y mandar yanapaqninkunata ordenar nirqan:
Jerusalénpita witikuyay.
7Tayta Diospa templun puntata kanqanchö yapay shäritsiyänanpä Israel runakunapa gobernadorninta y mayor runakunatapis ama michäyaytsu.. Tsaypita wayintapis chipyaq juchutsiyanki.
12Tayta Diosmi Jerusalénta akrashqa tsaychö tänanpä. Tsaynö kaykaptinqa mayqan nacionpa mandaqnin reypis impidiptinqa Tayta Dios ushakätsitsun. Noqa Darío rey karmi tsaynö kananpä ordenä. Ninqänölla llapantapis cumpliyay.
13Tsaymi rey Darío apatsinqan cartachö ninqannölla tsay provinciapa gobernadornin Tatnai, Setar-boznai y mandar yanapaqninkunapis cumpliyarqan.
14Tsaymi Israel mayor runakuna Tayta Dios ninqannölla templu ruratsiyta ushayarqan. Tsaynöpam profëta Hageo y Iddupa tsurin profëta Zacarías willakuyanqanta cumpliyarqan. templuta shäritsir ushayarqan.
16Ushaskiyaptinnam sacerdötikuna, levitakuna y Babiloniapita Judáman chämuq llapan Israel runakuna Diospa templunta inagurar fiestata kushishqa rurayarqan.
17Tsay fiestachömi Tayta Diospä sacrificiuta rupatsiyarqan pachak (100) torïtukunata, ishkay pachak (200) carnërukunata, chusku pachak (400) carnishkunata y chunka ishkay chïvukunata. Tsay chïvukunataqa purificatsina sacrificiu kananpämi Israel runakunapa cada trïbunpä jukta rupatsiyarqan.
18Tsaypitanam Moisés qellqanqanchö ninqannölla Tayta Diosta Jerusalénchö sirviyänanpä sacerdötikunata según turnun töcayanqanman churayarqan. Tsaynöllam levitakunatapis churayarqan.
19Tsaynömi Babiloniapita Judáman chämuqkuna Pascua fiestata wata qallaykunan killa chunka chusku junaqchö rurayarqan. nacionpa mandaqnin reyta Tayta Dios yarpayta qoshqa kaptinmi.
Who We AreWhat We EelieveWhat We Do
2025 by iamachristian.org,Inc All rights reserved.
