Job 37 - Bible in Quechua of South Conchucos（qxo）

1<

2¡Tayta Dios parlamunqanta wiyayay!

Pay parlamunqanqa illaqukuynörämi wiyakämun.

3Paymi ciëluta illaqukuywan atsikyätsin.

Tsay atsikyaywanmi kay entëru patsapis rikakan.

4Ciëlupitam pasaypa mantsariypä bunrurümun.

Tsaynö bunrurümuptinmi illaqukuypis pärantsu.

5Tayta Dios tsaynö bunrurütsimuptinmi imata ruraykanqantapis mana tantiyar pasaypa mantsakantsik.

6<

7Tsaynö tamyatsimuptinmi llantukuyänanpä wayinkunaman qeshpiyan.

Tsaynöpam poderösu Tayta Dios kanqanta tantiyayan.

8Jirka ashmakunapis machaykunamanmi llantukuyänanpä aywayan.

9Sur lädupitam shukukuy vientuta vientütsimun.

Norti lädupitanam alayta chätsimun.

10Pükaptinmi tsururupis rurakan.

Tsaynöllam lamar yakupis ritin.

11<

Tsaynöllam pukutaypita illaqukuytapis pashtatsimun.

12Pukutaykunataqa munanqanpam maypapis puritsin.

Entëru munduchömi pay mandanqanta rurayan.

13Kay patsaman tamyatsimurmi bendicionninta churamun.

Peru pasaypa tamyatsimurqa castiganmi.

14<

15¿Qam musyankiku llapan tsaykunata imanöpa ruranqanta?

¿Musyankiku illaqukuyta imanöpa atsikyätsimunqanta?

16¿Musyankiku pukutayta imanöpa espantaypä puritsinqanta?

Tsaykunata rikarmi tantiyantsik Tayta Dios yachaq kanqanta.

17<<¿Musyankiku sur kaq lädupita vientütsimuptin imanir alläpa achätsikunqaykita?

18¿Tayta Diosta yanapankimantsurä ciëlupita pasaypa achätsimunanpä?

19<

Yachaq karqa mä tantiyatsiyämay.

20Noqaqa paywan parlayta mantsarïmi.

Paywan parlarqa wanukümanchi.

21<

Peru pukutayta vientu apaptinmi sïqa ciëlupis lliwyaskin.

22Norti kaq lädupam rancha pukutaynö atsikyay rikakämun.

Tsayqa kaykan Tayta Dios poderninwan shamunqanmi.

23Payqa llapanpä poderyuq karmi imaypis allillata ruran.

Manam pitapis llutallaqa ñakatsintsu.

Ruranqanta manam tantiyayta puëdintsiktsu.

24Llapanpä poderösu kanqanta tantiyarmi runakuna mantsariyan.

Yachaq tukuq runakunataqa manam imapäpis cuentantsu>>.