Salmo 143 - Bible in Quechua of South Conchucos（qxo）

Salmo 143 (142)Tayta Diosman yärakur mañakunqan 1a (1a) David qellqanqan salmu.

1 1 (1b) Tayta Dios, mañakamunqäta wiyaykallämay.

Rugakamunqäta awniykallämay.

Awninqaykita cumpliq kaykarqa yanapaykallämay.

2Musyankim llapan runakunapis jutsayuq kayanqanta.

Sirviqniki karmi mana castigamänaykipä mañakamü.

3Wanutsiyämayta munarmi chikimaqnïkunaqa tumapäyäman.

Wanushqatanömi ras pampayämayta munayan.

4Pasaypa llakishqam kaykä.

Shonqüpis ushakaykannam.

5Unay ruranqaykikunatam yarpä.

Espantaypä ruranqaykikunapämi yarpachakü.

6Makïta joqarkurmi mañakamü.

Tsaki allpa yakuta munanqannömi noqapis qamta munä.

7 Tayta Dios, jamanï manarä ushakanqanyaq ras parlapaykallämay.

Noqapita ama pakakuykullaytsu.

Pakakuptikiqa wanushqanömi kashä.

8Taytay, llapan shonqüwanmi yärakamü.

Kuyakuq kanqaykita wäraypa musyaykatsillämay.

Imata ruranäpäpis tantiyaykatsillämay.

9 Tayta Dios, qamman amparakaykämuptïqa chikimaqnïkunapita tsapaykallämay.

10Qamllam Tayta Diosnï kanki.

Munanqaykinö kawanäpä yanapaykallämay.

Allikunata ruranäpä Espïrituyki tantiyaykatsillämätsun.

11 Tayta Dios, poderösu kanqaykita pïmaypis musyananpä yanapaykallämay.

Alli ruraq kaynikiwan kay llakikuypita jipiykallämay.

12Kuyapämar conträkunata ushakaykatsillay.

Kawaykaqtaqa ama ni jukllayllatapis dëjaykullaytsu.

Taytay, qampa podernikichömi kaykä.