Jeremías 33 - Bible in Quechua of South Conchucos（qxo）

Kuyanqan runakunata yanapananpä Tayta Dios ninqan

1Palaciupa patiunchö Jeremías jinallarä prësu kaykaptinmi Tayta Dios yapay nirqan:

2< karmi nï:

3Mañakamay. Mañakamaptikiqa contestashaykim. Mana tantiyanqayki kaqkunatam tantiyatsishayki.

4< karmi nï: Jerusalén runakunaqa wayikunata juchutsirmi rumikunata y qerukunata murälla chakinkunaman muntunayashqa. Tsaynöllam reypa wakin wayinkunatapis juchutsir murälla chakinkunaman muntunayashqa. Tsaynö rurayashqa Babilonia soldädukuna marka murällata mana juchutsiyänanpämi.

5Tsaynö sigurar Babilonia soldädukunata pärapuyaptinpis paykunawan pasaypa rabyashqa karmi defiendikuyänanpä yanapashätsu. Tsaymi soldädukuna markaman yaykur runakunata atskaqta wanutsiyanqa. Wanutsiyaptinmi maynin tsayninchö ayakuna jitaräyanqa. Tsaynö kayanqa jutsata rurayanqanpita castigaptïmi.

6<

7Tsaymi juklä nacionkunachö täyanqanpita Judá runakunata y Israel runakunata nacionninman qorimushä. Unay kawayanqannö tsaychö yapay tranquïlu kawayänanpämi yanapashä.

8Mana cäsumar conträ kayanqanpita y jutsata rurayanqanpitam perdonashä. Jutsaynaq kayänanpämi llapan jutsa rurayanqanta mayllashä.

9Jerusalén runakunata yanapanqäta musyarmi llapan nación runakuna mantsakäyanqa. Tranquïlu kawayänanpä yanapaptïmi entëru patsachö täraqkuna kushikur alabayämanqa>>.

10 Tayta Diosmi nin: <

11Peru tsaynö kaptinpis kushikuyanqan y asikuyanqanpis yapaymi wiyakanqa. Casaray fiesta kaptinmi jövin kuyanqan jipashta cantapanqa y jipashpis kuyanqan jövintam cantapanqa. Runakunapis yapaymi niyanqa:

<< <¡Allillata ruraq kanqanpita llapanta mandaq Tayta Diosta agradëcikushun!

¡Kuyakuq kayninqa imaypis manam ushakantsu!>

< tsaynö nï>>.

12Llapanta mandaq Tayta Diosmi nin: <

13Jallqakunachö kaykaq markakunachöpis, Sefelachö kaykaq markakunachöpis, Neguev partichö kaykaq markakunachöpis, Benjamín partichöpis, Jerusalén lädunkunachöpis y entëru Judá nacionchöpis yapaymi rikayanki üshankunata yupaykaqta. Noqa Tayta Diosmi tsaynö nï>>.

David casta reykuna imaypis kayänanpä ninqan

14 Tayta Diosmi nin: <

15Tsay witsanmi David castapita Renuevo niyanqan runata churashä rey kananpä. Munanqänö mandarmi kay nacionchö pïmaytapis alli rikanqa.

16Tsay witsanmi Jerusalénchö y entëru Judáchö tranquïlu kawayanqa. Tsaymi Jerusalén markapa jutin kanqa Tayta Diosmi Salvamaqnintsik>>.

17 Tayta Diosmi nin: <19Jeremíasta Tayta Dios mastam nirqan:

20< nï: Paqaswan y junaqwan pactu ruranqäta cumplirmi rupayta imaypis yarqatsimü y jeqatsï. Tsay pactuta imaypis cumplinqänömi

21sirvimaqnï Davidwan pactu ruranqätapis2Sam. 7.8-16. cumplishä. Cumpliptïmi paypita miraqkuna imaypis rey kayanqa. Tsaynöllam imaypis cumplishä levitakunawan y sacerdötikunawan pactuta ruranqäta. Paykunawanmi pactuta rurarqä imaypis sirviyämänanpä.Núm. 25.10-13.

22Qoyllurkuna yupaytapis mana atipaypä kanqannö y lamar kuchunchö arënapis yupayta mana atipaypä kanqannömi sirvimaqnï Davidpita miraqkuna y sirvimaqnï levitakunapis kayanqa>>.

23Jeremíasta Tayta Dios mastam nirqan:

24<<¿Tantiyankiku akranqä Israel y Judá runakunata jaqinqäta runakuna parlayanqanta? Tsaynö parlarmi manakaqman churar naciontanönatsu rikayan.

25Paqaswan y junaqwan pactuta ruraq Tayta Dios kar y ciëlupäpis kay patsapäpis leyta churaq Tayta Dios karmi nï:

26Jacobpita y sirvimaqnï Davidpita miraqkunatam imaypis yanapashä. Davidwan pactuta ruranqäta cumpliptïmi paypita miraqkuna imaypis rey kayanqa. Tsaymi Abrahampita, Isaacpita y Jacobpita miraq runakunapa mandaqnin rey imaypis kayanqa. Paykunata kuyaparmi juklä nacionchö taykäyanqanpita nacionninman qorimushä>>.