1 Reyes 3 - Bible in Quechua of South Conchucos（qxo）

Faraónpa mashan Salomón yaykunqan

1Tsaypitanam Salomónqa Egipto nacionpa mandaqnin rey Faraónpa tsurinwan casaraskir Davidpa Markanman pusharqan. Tsay witsanmi Salomón aruykätsirqan palaciunta, Tayta Diospa wayinta y Jerusalén markapa murällanta.

2Tayta Diosta adorayänanpä wayin manarä kaptinmi altarkunallachö sacrificiuta rupatsiyaq.

Tantiyakuq kananpä Tayta Diosta Salomón mañakunqan 2 Crónicas 1.1-13

3Salomónqa Tayta Diosta kuyarmi papänin David yätsinqankunata llapanta cumplirqan. Peru juk lädu altarkunachömi sacrificiukunata rupatsir inciensiutapis qoshnitsirqan.

4Llapan tsay altarkunapitapis Gabaónchö kaykaq altarqa mas jatun y mas reqishqam karqan. Tsaymi rey Salomón tsayman aywaykur waranqa (1,000) ashmakunata pishtaskir rupatsina sacrificiukunata rupatsirqan.

5Gabaónchö Salomón kaykaptinmi sueñuyninchö yuripaskir Tayta Dios nirqan: <>.

6Tsaymi Salomón nirqan: <

7Tsaymi noqata churamaptiki papänïpa rantin rey kaykä. Jövinllarä kaptïmi imanö mandanäpäpis yarpaynï shumaq kanrätsu.

8Kananqa yupaytapis mana atipaypä akranqayki runakunapa mandaqnin reymi kä.

9Taytay, tsay runakunata shumaq mandanäpä alli yarpayta y yachayta qaraykallämay. Shumaq tantiyaykatsillämay yarpaynïkuna alli kanqanta o mana alli kanqantapis musyanäpä. Tantiyayta mana qaramaptikiqa manam kuyanqayki tsaytsika runakunata mandayta puëdishätsu>>.

10Salomón mañakunqan alli kaptinmi

11Tayta Dios nirqan: <

12Tsaymi mañakamanqaykinö yanapashayki alli yarpayyuq y yachaq kanaykipä. Qam yachaq kanqaykinöqa manam pipis kashqatsu ni kanqatsu.

13Tsaynöllam mana mañakamaptikipis yanapashayki rïcu kanaykipä y poderyuq kanaykipä. Tsaymi kawanqaykiyaqqa qampita mas poderyuq rey kanqatsu.

14Noqa munanqänö llapan leynïkunata y mandamientükunata papäniki Davidnö cumpliptikiqa atska wata kawanaykipämi yanapashayki>>.

15Pununqanpita rikchaskamurmi sueñunqanta Salomón tantiyarqan. Tsaymi Jerusalénman kutiykur Tayta Diospa Pactu Babulnin kaqman ras aywarqan. Tsaychömi rupatsina sacrificiukunata y alli päsakuy sacrificiukunata rupatsirqan. Tsaypitanam llapan yanapaqninkunapä mikuyta kusinatsirqan.

Alli justiciata Salomón ruranqan

16Tsay witsanmi rey Salomónman ishkaq prostitütakuna quejakuq aywar

17jukaq warmi nirqan: <

18Qeshyakunqäpita kimsa junaqllatam paypis qeshyakushqa. Manam pipis karqantsu. Ishkalläkunam kayarqü.

19Juk paqasmi punukashqa tikrapakunqanchö kay warmiqa wamranta wanuqpä ñitishqa.

20Tsaymi wanushqa wamranta punukashqa kanqäyaq pullan paqas oqllaykatsimar noqapa wamräta oqllayninman apakushqa.

21Rikchaskamur chuchunäpämi wanushqa wamrallana oqllaynïchö kaykänä. Patsa waraskiptin rikaykunäpäqa manam wamrätsu tsay wanushqa wamra kanä, sinöqa kay warmipa wamranmi>>.

22Tsaynö niptinmi jukaq warmi nirqan: <>.

Niptinmi jukaq warmi nirqan: <>.

Tsaynö nirmi reypa lädunchö pasaypa rimanakuyarqan.

23Tsaymi rey nirqan: <. Tsaynöllam juknikipis niyanki: >>.

24Tsaynö nirmi yanapaqninta rey nirqan: <<¡Espädata apamuy!>>

Espädata chäratsiptinnam

25rey nirqan: <>.

26Tsaynö niptinmi wamrapa maman pasaypa llakikurnin reyta rugar nirqan: <<¡Taytay, ama wanuykatsillaytsu! ¡Tsaypa rantinqa kawaykaqllata kay warmita entregaykuy!>>

Jukaq warminam nirqan: <>.

27Tsaymi rey nirqan: <>.

28Tsay warmikunapa demandunta rey Salomón shumaq arreglanqanta musyarmi llapan runakuna tantiyayarqan yachaq kananpä Tayta Dios yanapanqanta. Tsaymi llapan runakunapis rey Salomónta alli rikayarqan.