1 1 (2) Nínive runakuna, contrayki runakunam ushakätsiyäshunaykipä shamuykäyan.
Tsaynö kaykaptinqa törriman yarkurkur alcäbulla kaykäyay.
Nänipa shamuqta rikachakuyay.
Espädaykikunata alistakuyay.
Soldäduykikunata empëñu qoriyay.
2 2 (3) Qamkunam Jacob casta runakunata ushakätsir rämaynaq üvatanö qarapachashqata jaqiyarqayki.
Tsaynö rurayaptikipis Tayta Diosmi Israel runakunata yanapanqa unay kawayanqannö yapay alli kawayänanpä.
3 3 (4) Tayta Diospa soldädunkunaqa atacayäshunaykipä alistakushqanam kaykäyan.
Escüdunkunapis röpankunapis pukam kaykan.
Carrëtankunapis illaqukuynörämi atsikyar cörriyan.
Caballunkunapis guërraman yaykuyänanpä listu karmi tushuykacharrä kaykäyan
4 4 (5) Carrëtankunapis cällikunapam cörriyan.
Pläzakunachöpis atsikyaypa atsikyarmi illaqukuynörä wakpa kaypa cörriyan.
5 5 (6) Rey mandaptinmi alli chölu capitankuna escüdunkunawan tsapakurkur markata atacayänanpä murällaman tanqanakurrä cörriyan.
6 6 (7) Marka lädunpa päsaq mayuta kachapaykurmi reypa palaciuntapis juchutsiyan.
7 7 (8) Reypa warmintapis prësum apayan.
Tsaymi sirviqnin warmikunapis paluma waqanqannörä waqaraykar qepanta aywayan.
Pëchunkunatapis takarrämi waqayan.
8 8 (9) Atacayaptinmi Nínive runakuna qeshpir aywakuyan.
Qocha tsaparaq kichakaskiptin yaku bunyaypa bunyar aywaqnörämi tanqanakurrä aywayan.
Tsaynö qeshpirmi kutiyänanpä mayjina qayayaptinpis manana kutiyannatsu.
9 9 (10) ¡Nínive runakuna jaqiyanqan yuraq qellayninta y qorintapis apakuyay!
¡Paykunapa riquëzankunaqa yupaytapis mana atipaypämi!
10 10 (11) ¡Nínive markaqa tsunyaqnam kaykan!
¡Chipyaqmi ushakatsiyashqa!
¡Wayinkunapis juchutsishqam kaykan!
¡Runakuna pasaypa mantsakäyaptinmi shonqunkunapis utuk utukyan y qonqurninkunapis tsuktsukyan!
¡Pasaypa aywapakashqa kayaptinmi valorninkunapis kannatsu!
11 11 (12) Ñöpataqa Nínive marka leonpa machayninnömi karqan.
Tsaychöqa rukukunapis y wamrakunapis tranquïlum kawayarqan.
12 12 (13) Ashmakunata wanutsiq leonkunanömi Nínive runakuna kayarqan.
Tsaymi contrankunata ushakaskatsir markanman imaykatapis ashtayaq aypunakuyänanpä.
Tsaynöpam wayinkunamanpis suwakuyanqanta qoriyaq.
13 13 (14) Peru tsaynö kayanqanpitam llapanta mandaq Tayta Dios Nínive runakunata nin:
< Contrayki karmi llapan guërra carrëtaykita uchpayanqanyaq rupatsishä. Llapan tsurikitam ushakätsishä. Tsaynö ushakätsiptïmi täyanqaykichö suwakunapis kayanqanatsu. Willakuqkunapis qamkuna kaqchö manam kayanqanatsu>>.
Who We AreWhat We EelieveWhat We Do
2025 by iamachristian.org,Inc All rights reserved.
