1Mastam Moisésta Tayta Dios nirqan:
2<
3Ishkay chunka (20) watayuqpita joqta chunka (60) watayuqyaq ollquta entregayta munarqa pitsqa chunka (50) siclo qellaytam päganqa. Tsay qellaytam pësanqa Tinkuna Tolduchö kaykaq pësakunawan.
4Warmita entregayta munarqa kimsa chunka (30) siclo qellaytam päganqa.
5Pitsqa watayuqpita ishkay chunka (20) watayuqyaq ollquta entregayta munarqa ishkay chunka (20) siclo qellaytam päganqa. Pitsqa watayuqpita ishkay chunka (20) watayuqyaq warmita entregayta munarqa chunka siclo qellaytam päganqa.
6Juk killayuqpita pitsqa watayuqyaq ollquta entregayta munarqa pitsqa siclo qellaytam päganqa. Juk killayuqpita pitsqa watayuqyaq warmita entregayta munarqa kimsa siclo qellaytam päganqa.
7Joqta chunka (60) watayuqpita janaman ollquta entregayta munarqa chunka pitsqa siclo qellaytam päganqa. Joqta chunka (60) watayuqpita janaman warmita entregayta munarqa chunka siclo qellaytam päganqa.
8Pobri kar pägananpä mana aypäpakurqa sacerdötitam willanqa. Sacerdötinam aypäpakunqallanpita pägananpä ninqa.
9<<
10Apananpä kaq ashmataqa manam trocatsinmantsu alli o mana alli kaptinpis. Trocatsiptinqa ishkannam sagrädu kar Tayta Diospä kanqa.
11<<
12Sacerdötinam tsay ashmata rikaykur chaninta churanqa. Tsay ashmapa chaninqa sacerdöti churanqannöllam kanqa.
13Duëñun qorikuyta munarqa chaninta churanqan jananman quinta parti mastam yapanqa.
14<<
15Wayinta duëñun qorikuyta munarqa preciunta churanqan jananman quinta parti mastam päganqa.
16<<
17Jubileo watachö chakranta Tayta Diospä entregaptinqa preciunta churanqannöllam päganqa.
18Jubileo wata päsaskiptinrä entregaptinqa aykata pägananpä calculanqanpita preciunta sacerdöti bäjatsinqa. Jubileo watapä ayka wata faltanqantapis yupaskirmi tsaynö bäjatsinqa.
19<< 20Kikin mana qorikuptin tsay chakrata juktana sacerdöti rantikuskiptinqa mananam qorinqanatsu. 21Jubileo wata chämunqanyaq tsay chakrata pipis mana qoriptinqa Tayta Diospä sagrädum kanqa. Tayta Diospä karmi tsay chakraqa sacerdötipäna kanqa. 22<< 23Jubileo watapä ayka wata faltaykanqanta yupaskirmi tsay chakrapa chaninta sacerdöti churanqa. Duëñunnam chakrapa chaninta churanqannölla tsay junaq päganqa. Päganqanqa Tayta Diospä sagrädum kanqa. 24Jubileo wata chämuptinnam punta kaq duëñun tsay chakrata qorikunqa. 25<< 26<< 27Pipis impüru ashmata apaykur qorikuyta munarqa sacerdöti preciunta churanqan jananman quinta parti masta pägaykurmi qorikunqa. Mana qoriptinqa preciun churanqallanchömi sacerdöti rantikunqa. 28<< 29<< 30<< 31Tsay apayanqaykita qorikuyta munarqa chaninta calculaskirmi tsay jananman quinta parti masta yapayanki. 32<< 33Ashmataqa alli o mana alli kaptinpis ama akrayankitsu. Tsaynölla alli kaqta mana alli kaqwanqa manam trocatsiyankimantsu. Trocaptikiqa ishkannam sagrädu kar Tayta Diospä kanqa. Tsaykunataqa kikikikunapä manam qorikuyankimantsu> >>. 34Llapan Israel runakunata tantiyatsiyänanpämi Sinaí jirkachö mandamientukunata Moisésta Tayta Dios tsaynö tantiyatsirqan.
Who We AreWhat We EelieveWhat We Do
2025 by iamachristian.org,Inc All rights reserved.