1¡Aleluya!
Llapan shonqüwanmi Tayta Diosta alabashä.
2Kawanqäyaqmi Tayta Diosta imaypis alabashä.
Kay patsachö kanqäyaqmi salmukunata cantar alabashä.
3Poderyuq runakunaman ama yärakushuntsu.
Runalla karmi salvamäshuntsu.
4Wanurqa kanqan allpamanmi kutishun.
Yarpäyanqankunata manarä rurarmi wanuyanqa.
5Tayta Dios yanapanqan runaqa kushishqam kawan.
Payqa Tayta Diosllamanmi imay hörapis yärakun.
6Tayta Diosmi ciëluta, kay patsata, lamarta y llapan tsaychö kaqkunatapis kamashqa.
Awninqantaqa imaypis cumplinmi.
7Ñakaychö kaykaq runakunatam yanapan.
Mallaqaqkunapäpis mikuytam alistapan.
Prësukunatapis Tayta Diosmi jipimun.
8Qaprakunapa ñawintam Tayta Dios kichan.
Desanimashqa kaykaq runakunatam Tayta Dios animatsin.
Pay munanqannö kawaqkunatam Tayta Dios kuyan.
9Jäpa runakunatapis Tayta Diosmi cuidan.
Waktsakunata y viüdakunatam yanapan.
Peru mana alli ruraq runakunatam sïqa yarpanqanta mana rurayänanpä pantatsin.
10 Sión, Tayta Diosmi imayyaqpis rey kanqa.
Mandamaqnintsik reymi imayyaqpis alabashqa kanqa.
¡Aleluya!
Who We AreWhat We EelieveWhat We Do
2025 by iamachristian.org,Inc All rights reserved.
