1Alli shonquyuqkuna, Tayta Diosta alabayay.
Payta alabayanqaykiqa kuyayllapämi wiyakan.
2Chunka cuerdayuq arpata tukar Tayta Diosta alabayay.
Salteriuta tukar alabayay.
3Mushuq cantuwan alabayay.
Arpata shumaq tukar kushishqa cantayay.
4 Tayta Diosqa rasun kaqllatam llapantapis parlan.
Ruranqankunata rikarmi awninqanta cumpliq kanqanta tantiyantsik.
5Pay munanqannö kawaqkunatam Tayta Dios kuyan.
Kuyakuq karmi maytsaychöpis runakunata yanapan.
6 Tayta Dios <
Niskiptillanmi rupaypis, killapis y qoyllurkunapis yuriskiyarqan.
7Lamartapis juk puchallamanmi juntarqan.
Tsikankaray jondu pözukunamanmi qorirqan.
8Maytsaychö täraqkuna, Tayta Diosta mantsapakuyay.
Entëru munduchö täraq runakuna, payta adorayay.
9Pay parlaskillaptinmi kay patsapis ciëlupis rurakarqan.
Mandaptinmi llapanpis rurakarqan.
10Mana allita rurayänanpä willanakuyaptinpis Tayta Dios manam permitintsu.
11Kikin yarpanqantam sïqa imaypis cumplin.
12Israel runakunatam Tayta Dios herencian kananpä akrarqan.
Payman yärakurmi kushishqa kawayan.
13 Tayta Diosqa ciëlupitam pïmaytapis rikaykämun.
14Täkunqanpitam kay patsachö kaqkunata rikaykämun.
15Paymi llapan runakunapa shonqunkunatapis kamashqa.
Paymi runakuna imata ruranqantapis rikan.
16Reyqa manam atska soldäduyuq kanqanpitatsu guërrachö vincin.
Manam valienti soldäduyuq kanqanpitatsu contrankunapita salvakun.
17Manam alli caballuyuq kanqanpitatsu pelyachö gänan.
Mayjina alli caballuyuq karpis contrankunapita manam salvakuntsu.
18 Tayta Diosmi payta mantsapakuqkunata cuidan.
Kuyakuq karmi payman yärakuqkunata yanapan.
19Paykunatam wanuypita salvan.
Hambrüna kaptinpis mikuytam alistapan.
20Noqantsikqa Tayta Diosmanmi yärakuntsik.
Paymi yanapamantsik y escüdunö tsapämantsik.
21Payman yärakushqaqa shonquntsikpis kushikunmi.
22 Tayta Dios, imaypis kuyapaykayällämay.
Qamllaman yärakurmi shuyaräyä.
Who We AreWhat We EelieveWhat We Do
2025 by iamachristian.org,Inc All rights reserved.
