Isaías 49 - Bible in Quechua of South Conchucos（qxo）

Tayta Diosta sirviq kanqan

1Costachö kaykaq nación runakuna, wiyayämay.

Karu nacionkunachö täraq runakuna, ninqäta shumaq tantiyakuyay.

Manarä yuriptïmi Tayta Dios qayamarqan.

Mamäpa pachallanchörä kaykaptïmi jutï churarqan.

2Parlanqäpis alli afilashqa espädanö kananpämi permitishqa.

Makinwanmi imaykapitapis tsapämashqa.

Fïlu punta flëchanö kanäpämi churamashqa.

Flëchanta puritsikunanman wiñashqanömi kä.

3Paymi nimarqan:

<

Sirvimaptikim maytsaychöpis alabashqa kashä>>.

4Tsaynö nikämaptinmi mana tantiyakuypa nirqä:

<

Manakaqllapämi kallpätapis usharqü.

Tsaynö karpis Tayta Diospa poderninchömi kä.

Paymi sirvinqäpita yanapamanqa>>.

5Mamäpa pachallanchörä kaykaptïmi sirviqnin kanäpä Tayta Dios akramarqan.

Paymi churamarqan Israel runakunata paywan amishtatsinäpä.

Tayta Diosnï kuyamarmi yanapaykäman.

6Paymi nimashqa:

<

Maytsay nacionkunapä aktsi kanaykipämi churarqü.

Tsaynöpam maytsaychöpis runakuna salvakuyanqa>>.

7Llapan nación runakunam chikiyäman.

Mandaq runakunam poderninchö tsararäyäman.

Tsaynö kaptinpis Israel runakunata salvaq santu Tayta Diosmi niman:

<

Tsaynö qonqurikayämunqa qamta akrashqa kaptï y awninqäta imaypis cumpliptïmi.

Israel runakunapa santu Tayta Diosnin karmi tsaynö kananpä permitishä>>.

Jerusalénta allitsananpä ninqan

8 Tayta Diosmi sirviqninta nin:

<Salvanäpä kaq junaqmi qamta yanaparqü.

Noqam imaypis tsapäshayki.

Runakunawan pactuta ruranäpämi churashayki.

Tsaynöpam Israel nacionta unay kanqanmannöna tikratsinki.

Dëjayanqan chakrakunatapis duëñunkunatam kutitsinki.

9< ninki.

Tsakäpakushqanö kaykaqkunatapis ninki.

Paykunaqa üshänömi kayanqa.

May nänipa aywayaptinpis allim cuidashä.

Tsaki jirkakunachö puriyaptinpis atskam qewa kanqa.

10Rupaypa achayninpis manam paykunata rupanqatsu.

Paykunata kuyaparmi tsuya yaku pashtanqanpa pushashä.

Manam mallaqäyanqatsu ni yakunäyanqatsu.

11Jirkakunapapis alli nänitam rurashä.

Uchku uchku nänikunatapis pampatsashämi.

12Kuyanqä runakunam karupita shayämunqa.

Norti lädupita, rupay ullunan lädupita y Sinim partipitam shayämunqa>>.

13¡Ciëlu, kushikuypita cantay!

¡Kay patsa, pasaypa kushikuy!

¡Jirkakuna, kushikur alabayay!

¡Kuyanqan runakunata Tayta Dios salvanqanpita kushikuyay!

¡Pobrikunata kuyapanqanpita kushikuyay!

14 Siónmi nishqa:

< jaqiskamar qonqaykamashqa>>.

15Tsaymi Siónta Tayta Dios nin:

<<¿Wamranta warmi qonqaykunmantsurä?

¿Wamranta manatsurä kuyapanman?

Wamranta qonqaptinpis noqaqa manam imaypis qonqayäshaykitsu.

16Maki paltämanmi jutikitapis qellqarqü.

Marka murällaykikunatam imaypis yarparaykä.

17Allitsayäshuqnikikuna rasmi shayämunqa.

Ushakätsiyäshuqnikikunapis aywakuykäyannam.

18<

Maytsaypitam wamraykikuna qorikäyämun.

Noqa Tayta Diosmi jurar nï:

Wamraykikuna kutimurmi jipash casarananpä kaq röpanö kayanqa.

Qamnam tsay kuyayllapä röpata jatikuqnö kushikunki.

19<

Raqäkunamanpis tsunyaqkunamanpis juntayanqam.

Ushakätsishuqnikikunaqa karumanmi aywakuyanqa.

20Ushakäyanqantana yarpaptikipis wamraykikuna tsaytsika kutimurmi niyäshunki:

Juk partitana ashipaykayällämay tsaychö täyänäpä>.

21<

Wakin wamräkuna jukläman qarqushqa kaykaptinqa ¿maypitatä kay wamrakuna yuriyämushqa?

Japallä kaykaptïqa ¿maypitatä shayämushqa?> >>

22Sióntam Tayta Dios nin:

<

23Tsay wamraykikunatam reykuna legitimakuyanqa.

Reypa jipash tsurinkunam wätayanqa.

Paykunam respitayäshurniki qonqurikayämunqa.

Tsaymi musyanki Tayta Dios kanqäta.

Noqaman yärakamuqkunaqa manam penqakuyanqatsu>>.

24Kallpasapa runa guërrachö vincir imaykatapis apaptin ¿pillaqa qechunmantsurä?

Mana alli runa prësu apaptin ¿pillaqa qechunmantsurä?

25 Tayta Diosmi nin:

<

Mana alli runa prësu apanqan runakunatapis qechushämi.

Janayki shärirmi chikishuqnikipa makinpita wamraykikunata qorimushä.

26<<Ñakatsiyäshuqnikikuna kikinkunapura wanutsinakuyänanpämi permitishä.

Alläpa wanutsinakuy kaptinmi runa mayinpa aytsanta mikuqnö kayanqa.

Mayunörä yawar aywaptinmi runa mayinpa yawarninta upuqnö kayanqa.

Tsaynöpam llapan runakuna noqa Tayta Dios salvashuqniki kanqäta musyayanqa.

Tsaynöllam musyayanqa Jacobpa poderösu Diosnin kar qamkunata tsapanqäta>>.