1 Samuel 8 - Bible in Quechua of South Conchucos（qxo）

Reyta churananpä Israel runakuna Samuelta mañakuyanqan

1Samuel rukuna karmi Israel runakunapa juezninkuna kayänanpä tsurinkunatana churarqan.

2Mayor tsurinpa jutinmi karqan Joel y qepa kaq tsurinpa jutinmi karqan Abías. Paykunam Beerseba markachö juez kayarqan.

3Paykunaqa manam papäninnötsu alli juez kayarqan. Alli arreglananpa rantinmi imaykapäpis mallaqashqa kar jukpa favornin shäriyänanpä chaskipakuyaq.

4Tsaynö kayaptinmi Israel mayor runakuna Ramáman aywaykur Samuelta

5niyarqan: <>.

6Tsaynö niyaptinmi Samuelqa llakikur Tayta Diosta mañakurqan paykuna niyanqanta rurananpä o mana rurananpä kanqantapis tantiyatsinanpä.

7Tsaymi Samuelta Tayta Dios nirqan: <

8Paykunaqa Egiptupita jipimunqä junaqpitam juk dioskunata adorar rabyanätsiyämashqa. Tsaynöllam qamtapis rabyanaykätsiyäshunki.

9Paykuna mañakuyäshunqaykinölla reyta churay. Peru shumaq tantiyatsiy paykunata rey ñakatsinanpä kanqanta>>.

10 Tayta Dios tsaynö ninqankunatam Israel runakunata Samuel willar

11nirqan: <

12Wakin tsurikikunatam churanqa waranqa (1,000) soldädukunata mandayänanpä y wakintanam churanqa pitsqa chunka (50) soldädukunata mandayänanpä. Wakintam churanqa chakranta arupäyänanpä y wakintanam cosëchata qoripäyänanpä. Wakintam churanqa armata rurayänanpä y wakintanam churanqa guërra carrëtankunata rurayänanpä.

13Warmi tsurikikunatanam churanqa perfümikunata rurayänanpä, kusinakuyänanpä y tantata masarayänanpä.

14Churayanqayki reymi qechuyäshunki üva y olïvus plantaraykaq chakraykikunata y wakin allinnin kaq chakraykikunatapis. Tsaynö qechuyäshurnikim yanapaqninkunata aypunqa.

15Tsaynöllam yanapaqninkunata aypunanpä cosëchata qoriyanqaykipita tsaki mikuy o üva kaptinpis cada chunka säcupita juk säcuta apayänaykipä obligayäshunki.

16Tsaynöllam payllatana sirvir aruyänanpä qechuyäshunki sirvishuqnikikunata warmita o ollquta karpis, allinnin wäkaykikunata y allinnin ashnuykikunatapis.

17Tsaynöllam cada chunka üshaykikunapita jukta apanqa. Kikikikunatapis poderninchö kayänaykipämi churayäshunki.

18Mandaqniki rey tsaynö ñakatsiyäshuptiki pasaypa llakikuyaptikipis Tayta Dios manam cäsuyäshunkitsu>>.

19Samuel tsaynö niptinpis runakunaqa manam cäsuyarqantsu. Tsaypa rantinmi niyarqan: <

20Wakin nacionkunapa mandaqnin rey kanqannö kanantam noqakunapis munayä. Paypa poderninchömi noqakuna kayäshä. Paymi guërraman aywayaptï puntäkunata aywanqa>>.

21Runakuna tsaynö niyanqanta Tayta Diosta Samuel willaptinmi

22Tayta Dios nirqan: <>.

Tsaynö niptinmi runakunata Samuel willarqan Tayta Dios awninqanta. Tsaypitanam markankunaman kutikuyänanpä Samuel nirqan.