2 Crónicas 15 - Bible in Quechua of South Conchucos（qxo）

Tayta Diosta Asa cäsunqan 1 Reyes 15.13-15

1Tayta Diospa Espïritun parlatsiptinmi Obedpa tsurin Azarías

2rey Asaman aywaykur nirqan: < kaykäyaptikiqa paypis qamkunawanmi kaykanqa. Payta ashirqa tariyankim. Payta dëjayaptikiqa qamkunatapis dëjashunkim.

3<

4Peru ñakaykuna kaptinshi jutsa rurayta dëjaskir kuyaqnin Tayta Diosta ashir tariyänä.

5Tsay witsanshi maytsaychöpis mantsa mantsalla kawayänä. Maypa aywarpis y maypita kutimurpis manash tranquïlutsu kawayänä. Llapan nacionkunachöshi imaykaläya desgraciakunawan runakuna ñakayänä.

6Tayta Dios tsaynö castigaptinshi juk nacionwan juk nación y juk markawan juk marka pasaypa wanutsinakuyänä.

7Peru qamkunaqa Tayta Diosta mana ajayaypa cäsuyay. Cäsuyaptikiqa alli kawayänaykipämi yanapayäshunki>>.

8Tayta Diospa profëtan ninqanta wiyaykurmi rey Asaqa valurar Judá runakuna y Benjamín runakuna täyanqan markakunachö llapan ïdulukunata ushakätsirqan. Tsay ïdulukunatam Tayta Dios pasaypa melanarqan. Tsaynöllam Efraín jallqakunachö qechunqan markakunachö kaq ïdulukunatapis ushakätsirqan. Tsaypitanam Tayta Diospa templun punkuchö kaq altarta allitsatsirqan.

9Judá nación runakunata Tayta Dios llapanchö yanapaykanqanta musyarmi Israel nación atskaq runakuna markankunata jaqiskir Asa mandanqan nacionman aywakuyarqan. Tsay runakunam kayarqan Efraín trïbu, Manasés trïbu y Simeón trïbu runakuna. Tsay runakunatawanmi Judá trïbu runakunata y Benjamín trïbu runakunata Asa qayatsirqan

10Jerusalénchö qorikäyänanpä. Tsayman qorikäyarqan chunka pitsqa wata Asa rey kaykaptin kimsa kaq killachömi.

11Tsaynö qorikäyaptinmi Tayta Diosta adorar qanchis pachak törukunata (700) y qanchis waranqa (7,000) üshakunata pishtaskir sacrificiuta rupatsiyarqan. Tsay ashmakunaqa contrankunata vincir apayämunqanmi karqan.

12Tsaypitanam pactuta rurar awniyarqan llapan shonqunkunawan y llapan voluntäninkunawan unay castankuna yärakuyanqan Tayta Diosta imaypis ashiyänanpä.

13Tsaynöllam niyarqan Israel runakunata kuyaq Tayta Diosta mana cäsuq kaqtaqa ruku o wamra o warmi o ollqu kaptinpis wanutsiyänanpä.

14 Tayta Diosta tsaynö awnirmi pasaypa kushikuyarqan. Kushikurmi cornëtakunatapis waqrakunatapis tukayarqan.

15Llapan shonqunkunawan awnir y llapan voluntäninkunawan Tayta Diosman yärakurmi Judá nacionchö täraq runakuna llapankunapis kushikuyarqan. Tsaymi Tayta Dios paykunata imaypis yanaparqan cercanchö kaq nacionkunawan tranquïlu kawayänanpä.Deut. 4.29; Jer. 29.13.

16Asera diösapä awilan Maaca jawitsinqan qerutapis tseqtaskirmi Cedrón raqraman apaykur rupatsirqan. Tsaypitam tsay ïduluta ruratsinqanpita Maacatapis reina kanqanpita qarqurqan.

17Tsaynö rurarpis markakunachö kaq altarkunataqa Asa manam juchutsirqantsu. Asaqa wanunqanyaqmi Tayta Dios munanqannö kawarqan.

18Tsaymi papäninwan kikinpis Tayta Diospä rakinqankunata templuman aparqan qorita, qellayta y alhäjakunata.

19Asa kimsa chunka pitsqa (35) wata rey kanqanyaq manam pipis Judá nacionta atacarqantsu.