Salmo 69 - Bible in Quechua of South Conchucos（qxo）

Salmo 69 (68)Llakikur Tayta Diosta mañakunqan 1 (1) Cantaqkunapa mandaqninpämi. Liriu waytakuna niyanqan cantupa tönunwan kay salmuta cantayanki. David qellqanqan salmu.

1 1 (2) Tayta Dios, salvaykallämay.

Jondu mayuchö jundikaqnömi kaykä.

2 2 (3) Bambalyaykaq sinigaman jatikaykaqnömi kaykä.

Mayman jarukuytapis manam puëdïtsu.

Jondu yakuchö kaykaqnömi kaykä.

Bunyaypa bunyar yaku apaykämaqtanömi tantiyaykä.

3 3 (4) Pasaypa qayararmi qasmayarqü.

Kunkäpis pasaypam nanaykan.

Tayta Diosta shuyarar rikachakuykaptïmi ñawïpis tsakaskin.

4 4 (5) Chikimaqnïkunaqa aqtsä yupayta mana atipaypä kanqannömi kaykäyan.

Imatapis mana ruraykaptïmi paykunaqa chikiykäyäman.

Mana suwakuykaptïmi <> nir tumpaykäyäman.

5 5 (6) Tayta Dios, musyankim mana cäsukuq kanqäta.

Llapan jutsa ruranqätam qam musyanki.

6 6 (7) Llapanta mandaq Tayta Dios, jutsa ruranqäpita qamman yärakamuqkuna penqakuychö ama kayätsuntsu.

Israel runakunata kuyaq Tayta Dios, jutsa ruranqäpita qamman yärakamuqkunata manakaqman ama churayätsuntsu.

7 7 (8) Runakuna ashlliyämaptinpis qam raykurmi awantakurqü.

Penqakuywanmi cäräpis chipyaq pukayashqa.

8 8 (9) Wawqïkunapis noqapita witikurmi jäpa runatanöna rikayäman.

Panïkunapäpis mana reqishqanam kä.

9 9 (10) Templuykitam wanur kawarpis respitatsishä.

Qamta penqakuyman churashurnikiqa noqatapis penqakuymanmi churayäman.

10 10 (11) Ayunar waqaptïpis runakunam jamuyäman.

11 11 (12) Llakikur lütu röpata jatikuptïpis llapanmi asipäyäman.

12 12 (13) Pïmaypis wasäta rimarmi puriyan.

Machashqakunapis penqakatsimarmi cantapäyäman.

13 13 (14) Tayta Dios, tsaynö rurayämaptinpis qamllatam mañakamü.

Ras yanapaykallämay.

Mañakamunqäta kuyapämar wiyaykallämay.

Imaypis salvamanqaykinö kananpis salvaykallämay.

14 14 (15) Sinigaman jatikashqanö kanqäpita jipiykallämay.

Chikimaqnïkunapita salvaykallämay.

Yaku rurinchö kaykaqnö kanqäpita jipiykallämay.

15 15 (16) Bunyaypa bunyar aywaq yaku apamänanta ama munaykullaytsu.

Jondu yaku ultamänanta ama dëjaykullaytsu.

16 16 (17) Tayta Dios, rugakamuptï wiyaykallämay.

Qamqa llakipäkuq y kuyapäkuqmi kanki.

Kuyakuq kaynikiwan yanapaykallämay.

17 17 (18) Sirviqniki kaykaptïqa ama pakakuykullaytsu.

Ñakaychö kaykaptïqa ras yanapaykallämay.

18 18 (19) Ras shamur salvaykallämay.

Chikimaqnïkunapa makinpita libraykallämay.

19 19 (20) Qammi musyanki abusayämanqanta, penqakatsiyämanqanta y manakaqman churayämanqanta.

Musyankim pikuna chikiyämanqantapis.

20 20 (21) Qayapäyämaptinmi shonqüpis pasaypa qallayashqa kaykan.

Tsaymi imata ruranäpäpis gänasnï ni kallpä kantsu.

Kuyapämar yanapamänanpä imanö ashirpis manam pitapis tarirqütsu.

21 21 (22) Mikuynïmanpis venënutam wiñayashqa.

Yakunaptïpis vinagritam uputsiyämashqa.

22 22 (23) Alli allillata mikuyänanpä qorikäyaptin castigaykullay.

Banquëtichö mikuyanqanpis paykunapä trampanö kaykullätsun.

23 23 (24) Paykunapa ñawinkunapis qaprayätsun.

Chankankuna imaypis tsuktsukyätsun.

24 24 (25) Rabyarnin paykunata castigaykullay.

Paykunataqa chipyaq ushakaykatsillay.

25 25 (26) Wayinkunapis tsunyaq tikratsun.

Täyanqan toldunkunachö ama pipis täyätsunnatsu.

26 26 (27) Castigamanqaykita rikaykarmi ñakatsiyäman.

Ñakatsimanqaykita rikaykarmi ashlliyäman.

27 27 (28) Tsaynö runakunataqa jutsankunapita mana kuyapar castigaykullay.

Paykunataqa ama perdonaykullaytsu.

28 28 (29) Libru de la Vïdachö jutinkuna qellqashqa kaykaqtapis börraykullay.

Alli ruraqkunapa jutinkuna qellqashqa kanqan librumanpis jutinkunata ama apuntaytsu.

29 29 (30) Noqaqa ñakaychö karmi alläpa llakikü.

Tayta Dios, yanapamar salvaykallämay.

30 30 (31) Tayta Diospa jutinchömi alabashä.

Agradëcikurmi adorashä.

31 31 (32) Tsaynö alabaptïmi törukunata sacrificiupä apamunqäpitapis Tayta Dios mas kushikunqa.

32 32 (33) Salvamanqanta rikarmi llakishqa kaykaqkunapis kushikuyanqa.

Tayta Diosta ashiqkunapis valurakurmi payman yärakuyanqa.

33 33 (34) Tayta Diosmi pobrikuna mañakuyanqanta wiyan.

Payman yärakuqkunata prësu apayaptinpis manam qonqantsu.

34 34 (35) ¡Ciëlupis, kay patsapis, Tayta Diosta alabayätsun!

¡Lamarpis y tsaychö llapan kawaqkunapis, Tayta Diosta alabayätsun!

35 35 (36) Tayta Diosmi Sión jirkanchö täraq runakunata salvanqa.

Tsaynöllam Judáchö kaykaq markakunata allitsatsinqa.

Tsaychömi kuyanqan runakuna yapay täyanqa.

36 36 (37) Tayta Diosta sirviqkunapita miraqkunam tsay markakunata chaskiyanqa.

Tayta Diosta kuyaqkunam tsaychö täyanqa.