Josué 17 - Bible in Quechua of South Conchucos（qxo）

Manasés trïbu runakunapa lindërunkuna maypa kanqanpis

1Suertiyaypam pullan Manasés trïbu runakunapis herenciata chaskiyarqan. Tsay runakunaqa Josépa mayor tsurin Manaséspita miraqkunam kayarqan. Manaséspa mayor tsurinqa Maquirmi karqan. Maquirpa tsurinqa Galaadmi karqan. Maquirpita miraq runakuna pelyayta alli yachayaptinmi herenciata entregarqan Galaad partita y Basán partita.

2Jordán mayu tsimpan rupay ullunan lädupanam Manasés trïbu wakin casta runakuna suertiyaypa chaskiyarqan. Tsay runakunam kayarqan Abiezer casta runakuna, Helec casta runakuna, Asriel casta runakuna, Siquem casta runakuna, Hefer casta runakuna y Semida casta runakuna. Tsay runakunaqa Josépa tsurin Manaséspita miraqkunam kayarqan.

3Manasés trïbupitam juk runa Zelofehad jutiyuq karqan. Payqa Heferpa tsurinmi karqan, Hefernam Galaadpa tsurin, Galaadnam Maquirpa tsurin y Maquirnam Manaséspa tsurin. Zelofehadpaqa manam ollqu tsurinkuna karqantsu. Paypaqa warmillam tsurinkuna kayarqan. Tsay warmi tsurinkunapa jutinkunam karqan Maala, Noa, Hogla, Milca y Tirsa.

4Paykunam sacerdöti Eleazarman, Josuéman y mayor runakunaman aywaykur niyarqan: Moisésta < ninqannölla noqakunatapis herenciäkuna rakipaykayämay tiyükuna chaskiyanqan kaqchö>>.

Tsaynö niyaptinmi Tayta Dios ninqannölla herenciata Josué rakipurqan tiyunkuna herenciata chaskiyanqan kaqchö.

5Tsaynöpam Manasés trïbu runakunapa herencian karqan chunka. Tsaynöllam Jordán mayu wak tsimpanchö Galaad partipis y Basán partipis Manasés trïbu runakunapa herencian karqan.

6Ollqupis warmipis herenciankuna chaskiyanqanpitam pullan Manasés trïbu runakunapä chunka herenciankuna karqan. Galaad partitanam Manaséspita wakin miraqkuna chaskiyarqan.

7Manasés trïbu runakunapa herencianpa lindërunqa Aserpita Micmetatyaqmi charqan. Micmetatqa Siquem tsimpanchömi kaykan. Tsaypitam sur kaq lädupa päsar hasta Tapúa pukyuyaq charqan.

8Tapúa marka cercankuna Manasés trïbu runakunapa kaptinpis kikin Tapúa markaqa Efraín trïbu runakunapam karqan.

9Tapúa pukyupitanam Manasés trïbu runakunapa herenciankunapa lindërun Caná raqra kuchullanpa hasta Mediterráneo Lamaryaq charqan. Caná raqra norti kaq lädu Manaséspa kaptinpis juk ishkaylla markakunaqa tsay tsimpachö Efraín trïbu runakunapam karqan.

10Imanö kaptinpis Caná raqra sur kaq tsimpanmi Efraín trïbu runakunapa karqan. Tsay raqra norti kaq tsimpannam Manasés trïbu runakunapa karqan. Raqra kuchullanpa päsarmi lindërun charqan Mediterráneo Lamaryaq. Manasés trïbu runakuna chaskiyanqan norti kaq lädu lindërunmi Aser trïbu runakunapa lindërunwan tinkurqan. Rupay yarqamunan kaq lädu lindërunnam Isacar trïbu runakunapa lindërunwan tinkurqan.

11Manasés trïbu runakuna chaskiyanqan wakin markakunaqa Isacar y Aser trïbu runakunapa herenciankunachömi karqan. Caseriunkunawanmi tsay markakuna karqan Bet-seán, Ibleam, Dor, Endor, Taanac y Meguido.

12Herencia kananpä tsay markakunata chaskirpis tsaychö taykaq cananeo runakunata manam qarquyta puëdiyarqantsu.

13Peru Israel runakuna atskaman mirarmi tsaychö taykaq cananeo runakunata arutsirnin poderninchö tsararäyarqan.Efraín y Manasés trïbu runakuna herenciankuna mas kananpä mañakuyanqan

14Josépita miraq runakunam Josuéta niyarqan: < bendicionninwan atskaman miraykäyaptï ¿imanirtä wallkallata herenciata rakipäyämarquyki?>>

15Josuénam nirqan: <>.

16Paykunanam niyarqan: <>.

17Tsaymi Josépita miraq Manasés y Efraín trïbu runakunata Josué nirqan: <

18entëru tsay muntiyuq jallqakunapis kanqa. Tsay muntikunata tsaqur chakrakunata kichayanki mayyaqpis lindërun chanqanyaq. Pampachö täraq cananeo runakuna poderyuq kayaptinpis y fiërru carrëtankuna kaptinpis qamkunaqa qarquyankim>>.