1Israel soldädukunapa tröpankunam chunka ishkay karqan. Cada tröpachömi kayarqan ishkay chunka chusku waranqa (24,000) soldädukuna. Paykunam watachö cada killa trocanakuypa reyta sirviyaq. Tsay tröpakunachömi wakin capitankuna kayarqan waranqa (1,000) soldädukunapa mandaqninkuna y wakinnam kayarqan pachak (100) soldädukunapa mandaqninkuna. Kaychömi qellqashqa kaykan soldädukunapa capitanninkunapa y yanapaqninkunapa jutinkuna.
2Punta kaq killachömi turnu töcarqan Zabdielpa tsurin Jasobeamta. Payqa ishkay chunka chusku waranqa (24,000) soldädukunapa capitanninmi karqan.
3Jasobeamqa Farespita miraq runam karqan. Payqa punta kaq killachö turnu töcaq capitankunapa mandaqninmi karqan.
4Ishkay kaq killachömi turnun töcarqan Dodaita. Payqa Ahoapita miraq runam karqan. Paypis ishkay chunka chusku waranqa (24,000) soldädukunapa capitanninmi karqan. Dodaipa yanapaqninmi Miclot karqan.
5Kimsa kaq killachömi turnu töcarqan mandaq sacerdöti Joiadapa tsurin Benaíata. Paypis ishkay chunka chusku waranqa (24,000) soldädukunapa capitanninmi karqan.
6Benaíaqa karqan Kimsa Chunka ninqan mas valienti kaq soldädukunapa mandaqninmi. Benaíapa yanapaqninmi karqan tsurin Amisabad.
7Chusku kaq killachömi turnu töcarqan Joabpa wawqin Asaelta. Paypa trokinnam mandaq karqan tsurin Zebadías. Paypis ishkay chunka chusku waranqa (24,000) soldädukunapa capitanninmi karqan.
8Pitsqa kaq killachömi turnu töcarqan Samhutta. Payqa Izrapita miraq runam karqan. Paypis ishkay chunka chusku waranqa (24,000) soldädukunapa capitanninmi karqan.
9Joqta kaq killachömi turnu töcarqan Irata. Payqa Tecoa markapita Iquespa tsurinmi karqan. Paypis ishkay chunka chusku waranqa (24,000) soldädukunapa capitanninmi karqan.
10Qanchis kaq killachömi turnu töcarqan Pelón markapita Helesta. Payqa Efraín trïbupitam karqan. Paypis ishkay chunka chusku waranqa (24,000) soldädukunapa capitanninmi karqan.
11Puwaq kaq killachömi turnu töcarqan Sibecaita. Payqa Husa markapita Zera castam karqan. Paypis ishkay chunka chusku waranqa (24,000) soldädukunapa capitanninmi karqan.
12Isqun kaq killachömi turnu töcarqan Abiezerta. Payqa Anatot markapita Benjamín trïbu runam karqan. Paypis ishkay chunka chusku waranqa (24,000) soldädukunapa capitanninmi karqan.
13Chunka kaq killachömi turnu töcarqan Maharaita. Payqa Netofa markapita Zera castam karqan. Paypis ishkay chunka chusku waranqa (24,000) soldädukunapa capitanninmi karqan.
14Chunka juk killachömi turnu töcarqan Benaíata. Payqa Piratón markapita Efraín trïbu runam karqan. Paypis ishkay chunka chusku waranqa (24,000) soldädukunapa capitanninmi karqan.
15Chunka ishkay killachönam turnu töcarqan Heldaita. Payqa Netofa markapita Otoniel castam karqan. Paypis ishkay chunka chusku waranqa (24,000) soldädukunapa capitanninmi karqan.
Israel trïbukunapa mandaqninkuna mayqankuna kayanqan16Israel trïbukunapa mandaqninkuna mayqankuna kayanqanpis kaychömi qellqashqa kaykan:
Rubén trïbupa mandaqninmi karqan Zicripa tsurin Eliezer.
Simeón trïbupa mandaqninmi karqan Maacapa tsurin Sefatías.
17Leví trïbupa mandaqninmi karqan Kemuelpa tsurin Hasabías.
Aarónpita miraq castakunapa mandaqninmi karqan Sadoc.
18Judá trïbupa mandaqninmi karqan Davidpa wawqin Eliú.
Isacar trïbupa mandaqninmi karqan Micaelpa tsurin Omri.
19Zabulón trïbupa mandaqninmi karqan Abdíaspa tsurin Ismaías.
Neftalí trïbupa mandaqninmi karqan Azrielpa tsurin Jerimot.
20Efraín trïbupa mandaqninmi karqan Azazíaspa tsurin Oseas.
Pullan Manasés trïbupa mandaqninmi karqan Pedaíaspa tsurin Joel.
21Galaadchö pullan Manasés trïbupa mandaqninmi karqan Zacaríaspa tsurin Iddo.
Benjamín trïbupa mandaqninmi karqan Abnerpa tsurin Jaasiel.
22Dan trïbupa mandaqninmi karqan Jerohampa tsurin Azareel.
Tsaynömi kayarqan cada trïbu Israel runakunapa mandaqninkuna.
23Juk kutim Israel runakunata rey David censatsirqan. Israel runakuna qoyllurkunanö atska kayänanpä Tayta Dios ninqannö atskaq kayaptinmi ishkay chunka (20) watayuqpita uraman kaqkunataqa censatsirqantsu.Gén. 15.5; 22.17; 26.4.
24Censu kanantaqa Tayta Dios manam munarqantsu. Tsaymi Sarviapa wamran Joab censaykaptin Tayta Dios rabyar Israel runakunata castigarqan.2Sam. 24.1-15; 1Crón. 21.1-14. Tsaynö castigaptinmi censayta Joab usharqannatsu. Tsaynöpam Israel runakuna ayka kayanqantapis rey Davidpa acta librunman apuntayarqantsu.
Rey Davidpa yanapaqninkuna mayqankuna kayanqan25Adielpa tsurin Azmavetmi encargädu karqan rey Davidpa palaciunchö tesöru cuidaqkunata churananpä.
Uzíaspa tsurin Jonatánnam encargädu karqan tesörukuna churaraykanqan wayikunaman cuidaqkunata churananpä. Tsay wayikunam karqan chakrakunachö, markakunachö, caseriukunachö y murallashqa markakunachö.
26Quelubpa tsurin Ezrim encargädu karqan rey Davidpa chakrankunata arutsinanpä.
27Ramat markapita Simeim encargädu karqan rey Davidpa üva chakrankunata arutsinanpä.
Sifma markapita Zabdinam encargädu karqan rey Davidpa vïnu churakuna wayinkunaman cuidaqkunata churananpä.
28Geder markapita Baal-hanánmi encargädu karqan rey Davidpa olïvus chakrankunaman y hïgus chakrankunaman cuidaqkunata churananpä. Tsay chakrakunaqa Sefelachömi karqan.
Joásmi encargädu karqan rey Davidpa aceiti churakuna wayinkunaman cuidaqkunata churananpä.
29Sarónpita Sitraim encargädu karqan Sarón pampachö rey Davidpa wäkankuna mitsiqta churananpä.
Adlaipa tsurin Safatmi encargädu karqan Jezreel pampachö rey Davidpa wäkankunata mitsiqta churananpä.
30Ismael runa Obilmi encargädu karqan rey Davidpa camëllunkuna mitsiqta churananpä.
Meronotpita Jehedíasmi encargädu karqan rey Davidpa ashnunkuna mitsiqta churananpä.
31Agarpita Jazizmi encargädu karqan rey Davidpa üshankuna y cabrankuna mitsiqta churananpä.
Llapan tsay runakunam rey Davidpa capatazninkuna kayarqan.
32Davidpa tiyun Jonatánmi alli tantiyaq y yachaq runa kar Davidpa yätsiqnin y secretariun karqan.
Hacmonipa tsurin Jehielmi reypa tsurinkunata cuidaq karqan.
33Ahitofelpis rey Davidpa yätsiqninmi karqan.
Arac markapita Husaipis rey Davidpa amïgunmi karqan.
34Ahitofelpa trokinmi kayarqan Benaíapa tsurin Joiada y Abiatar.
Joabnam karqan rey Davidpa soldädunkunapa capitannin.
Who We AreWhat We EelieveWhat We Do
2025 by iamachristian.org,Inc All rights reserved.
