Hechos 12 - Bible in Quechua of South Conchucos（qxo）

Carcelchö Pedro wichqaranqan

1Tsay witsanmi Jesucristuman criyikuqkunata castigatsiyta munar rey Herodes wakinta prësu tsaritsirqan.

2Tsaynöllam apóstol Juanpa wawqin Santiagutapis espädawan wanutsiyänanpä mandarqan.

3Wanutsinqanpita Israel runakuna kushikuyanqanta rikarmi Pedrutapis prësu tsaritsirqan. Tsayqa karqan Levadüraynaq Tanta Mikuna fiesta witsanmi.

4Pascua fiestaÉxo. 12.1-27. ushayrä llapan runakunapa puntanchö juzgayta munarmi carcelman wichqatsirqan. Tsaypitam täpayänanpä chusku grüpu soldädukunata mandarqan. Cada grüpuchömi chusku soldädukuna kayarqan.

5Carcelchö Pedruta wichqarätsiyaptinmi Jesucristuman yärakuqkuna Tayta Diosta mana dëjaypa mañakuykäyarqan.

Carcelpita Pedruta ángel jipinqan

6Herodes juzgananpä patsa manarä waraptinmi ishkay soldädukunapa chawpinchö cadinashqa Pedro punuykarqan. Wakin soldädukunanam punkuchö täpaykäyarqan.

7Tsaynö kaykaptinmi Señor Jesucristo mandamunqan ángel illaqpita atsikyar Pedruta yuripurqan. Custillanta yataykur rikcharkatsirmi nirqan: <<¡Pedro, apuray shäriy!>>

Niptinmi jinan höra Pedro wataraykanqan cadënakuna makinpita qotukaskirqan.

8Angelnam nirqan: <>.

Jatikurkuptinnam nirqan: <>.

9Pedrunam angelpa qepallanpa aywarqan. Carcelpita rasunpa yarquykanqanta manam tantiyarqantsu, tsaypa rantinqa revelacionta rikaykanqantam yarparqan.

10Rurichö kaq soldädukunata y chawpi punkuchö kaq soldädukunata päsaskirmi cälliman yarquna kaq fiërru punkumanna chäyarqan. Tsay punku kikillan kichakaskiptinmi cällimanna yarquyarqan. Tsaypita juk esquïnata aywaykäyaptinmi ángel illakaskirqan.

11Tsaymi cällichö kaykanqanta tantiyaskir Pedro nirqan: <>.

12Tayta Dios salvanqanta tantiyaskirmi Juanpa maman Maríapa wayinman aywarqan. Juanpa jukaq jutinmi Marcos karqan. Tsaychömi atskaq qorikaykur Pedrupä Tayta Diosta mañakuykäyarqan.

13Chaykur sawan punkuta Pedro takakuptinmi pï kanqantapis rikaq Rode jutiyuq jipash yarqurqan. Tsay jipash Maríapa yanapaqninmi karqan.

14Parlakuyninpita Pedro kanqanta reqiskirmi pasaypa kushikurqan. Tsaymi punkuta manarä kichapur Pedro kaykanqanta willakuq ruriman cörrilla kutirqan.

15Willaptinmi niyarqan: <<¡Imanöpatä Pedro kanqa!>>

Rasunpa Pedro kanqanta niptinmi mana criyir niyarqan: <>.

16Tsayyaqmi kutin kutin punkuta takakur Pedro qayakurqan. Punkuta kichaskirnam Pedro kanqanta rikaykur llapankuna espantakuyarqan.

17Upällayänanpä makinwan sëñasta rurarmi Pedro willarqan carcelpita Señor Jesucristo imanöpa jipimunqantapis. Tsaypitanam nirqan: < y wakin wawqikunata y panikunatapis willayay>>.

Tsaypitanam yarquskir jukläpana aywakurqan.

18Carcelchö Pedro mana warämushqa kaptinmi soldädukuna <> nir ima ruraytapis puëdiyarqantsu.

19Maytsaypa ashitsirpis mana tarirmi täpaq soldädukunata shumaq tapuskir Herodes mandarqan tsay soldädukunata wanutsiyänanpä. Tsaypitam Judeapita Cesareaman Herodes aywarqan.

Herodes wanunqan

20Tiruchö y Sidónchö täraq runakuna Herodespa contran rurashqa kayaptinmi Herodes rabyar tsay markakunaman mikuyta apatsiyta munarqannatsu. Tsaynö kaptinmi tsay runakuna Herodesman willakuqta mandayarqan parlayämunanpä. Manarä parlarmi Herodespa yanapaqnin Blastuwan amistäta rurayarqan. Blastunam Herodeswan parlarqan Tiro y Sidón runakunawan alli kawayänanpä.

21Herodesnam juk junaq paykunawan parlayänanpä nirqan. Tsay junaq chämuptinmi mas allin kaq röpanta jatikurqan. Tsaypitanam juzgananpä sillaman jamaykur runakunata parlapämurqan.

22Tsayta wiyaykurmi runakuna jinchipa niyarqan: <<¡Kay parlaykämuqqa manam runatsu, sinöqa juk diosmi!>>

23Tayta Diosllata adorayänanpä Herodes mana niptinmi Señor Jesucristo mandamunqan ángel jinan höra castigarqan. Tsaymi Herodesqa kuru ushaptin wanurqan.

24Tayta Diospa willakuyninta willakuyaptinmi maytsaychö runakuna atskaq criyikuyarqan.

25Bernabéwan Saulunam wawqikuna y panikuna apatsiyanqanta Jerusalénman chaykatsirHech. 11.28-30. Marcos niyanqan Juanta pusharkur Antioquíaman kutiyarqan.