2 Reyes 8 - Bible in Quechua of South Conchucos（qxo）

Sunem warmi wayinta y chakranta qorinqan

1Juk kutim kawatsinqan wamrapa

14Tsaypitanam Hazaelqa Eliseupita despidikuskir reyman kutirqan. Chaykuptinnam rey tapurqan: <<¿Imatatä Eliseo nishurquyki?>>

Tsaynö tapuptinmi Hazael nirqan: <>.

15Tsaypita waraynin junaqnam Hazaelqa juk frazädata ushmaskatsir reypa umanta wankuskiptin jamatsakaypa wanurqan. Tsaynö wanuskatsirmi Hazaelna Siria nacionpa mandaqnin rey karqan.

Judá nacionchö Joram rey kanqan 2 Crónicas 21.1-20

16Acabpa tsurin Joram pitsqa watana Israel nacionchö rey kaykaptinmi Judá nacionchö Josafatpa tsurin Joram rey kayta qallaykurqan.

17Mandayta qallanqan witsanmi kimsa chunka ishkay (32) watayuq kaykarqan. Payqa puwaq watam Jerusalénpita mandarqan.

18Rey Acabpa warmi tsurinwan tarmi Acabpa castankunanölla y Israel nacionpa mandaqnin reykunanölla Tayta Diosta mana cäsur jutsata rurarqan.

19Tsaynö kaptinpis sirviqnin Davidpita miraq runa Judáchö imaypis rey kananpä pactuta rurashqa karmi Judá nacionta Tayta Dios ushakätsirqantsu.

20Judá nacionchö Joram rey kanqan witsanmi Edom nación runakuna Judá nacionpa poderninchö kayanqanpita yarquskirGén. 27.40. kikinkunapa mandaqninkuna reyta churayarqan.

21Tsaymi Joramqa guërra carrëtakunawan Edomchö Zair markaman atacayänanpä aywayarqan. Edomita soldädukuna pelyayänanpä yarqurmi rey Joramta y carrëtakunawan aywaq capitankunata tumaypa tsapaskiyarqan. Tsaynö tsapaskiyaptinmi Israel soldädukunaqa imaykanöpapis paqaspa qeshpir wayinkunaman aywakuyarqan.

22Tsaypitam Edom nación runakunaqa kananyaqpis Judá nacionpa poderninchönatsu kayan. Tsay witsanllanam Libna marka runakunapis Judá nacionpa poderninpita yarqukuyarqan.

23Joram imata ruranqanpis llapanmi Judá nacionpa mandaqnin reykunapa acta librunchö qellqashqa kaykan.

24Joram wanuskiptinmi Davidpa Markanman unay castankuna pamparäyanqan kaqman pampayarqan. Paypa trokinnam tsurin Ocozías rey kananpä yaykurqan.

Judá nacionchö Ocozías rey kanqan 2 Crónicas 22.1-6

25Acabpa tsurin Joram chunka ishkay wata Israel nacionchö mandaq kaykaptinmi Judá nacionpa mandaqnin rey Jorampa tsurin Ocozías rey kayta qallaykurqan.

26Mandayta qallanqan witsan Ocozíasqa ishkay chunka ishkay (22) watayuqmi kaykarqan. Payqa juk watallam Jerusalénpita mandarqan. Mamanmi Atalía karqan. Atalíaqa Israel nacionpa mandaqnin rey Omripa willkanmi karqan.

27Ocozíaspis Omripa tsurin Acab castawan tarmi Tayta Diosta mana cäsur Acab y Acabpa castankuna jutsata ruranqannö jutsata rurarqan.

28Ocozíasmi Israel nacionpa mandaqnin rey Joramwan Siria nacionpa mandaqnin rey Hazaelta atacayänanpä willanakuyarqan. Rey Joramqa Acabpa tsurinmi karqan. Atacayänanpä awniptinmi Galaadchö kaykaq Ramot markaman soldädunkunawan aywayarqan. Tsaychö pelyar Siria soldädukuna rey Joramta flëchaskiyaptinmi

29Jezreel markaman jampikunanpä kutirqan. Qeshyar ujuraykaptinmi rey Ocozías payta watukaq aywarqan.