1Tsaypitanam poderyuq juk ángel ciëlupita uraykämuqta rikarqä. Chipipiyninmi entëru patsaman atsikyarqan.
2Tsay angelmi jinchipa nimurqan:
<<¡Ushakashqanam, ushakashqanam jatunkaray Babilonia marka!
Kananqa supaykunallanam tsaychö taykäyan.
Tsaychöqa melanaypä impüru wiskurkuna y tukukunallam waqaykäyan.
3Babiloniapa mana alli costumbrinkuna machätsikuq vïnunömi karqan.
Tsay vïnutam entëru patsachö runakuna upuyarqan.
Kay patsachö reykuna mana alli costumbrinkunata Babiloniapita yachakurmi ïdulukunata adorayarqan.
Imatapis rikanqan kaqta Babilonia rantiptinmi negociantikuna pasaypa rïcuyäyarqan>>.
4Tsaypitanam ciëlupita nimuqta wiyarqä:
<<¡Kuyanqä runakuna, Babiloniapita aywakuyay!
¡Jutsata mana rurayänaykipä aywakuyay!
Mana aywakuyaptikiqa Babiloniaman castïgu chämunqannömi qamkunamanpis chämunqa.
5Babiloniapa jutsankunaqa ciëluyaqmi chashqa.
Llapan jutsata ruranqantam Tayta Dios musyan.
6Tayta Dios, jukta ñakatsiyanqannölla kikintapis castigar ñakaykatsillay.
Jutsata ruranqanman yapa yapaykur castigaykullay.
7Imaykayuq karmi pasaypa allish tukur kawarqan.
Imanöpis kanqanman ñakaykatsillay y llakikuyman churaykullay.
Babiloniam shonqunchö nirqan:
Manam viüdatsu kä. Imaypis manam llakikur waqashätsu>. 8Tsaynö kanqanpitam pasaypa ñakanqa. Wanuypis, ñakaypis y mallaqaypis illaqpitam payman chanqa. Tsaypitanam rupar ushakanqa. Babiloniataqa llapanpä poderyuq Tayta Diosmi castiganqa>>. 9Rupanqanpita qoshni shäriykaqta rikarmi llapan nacionkunapa mandaqnin reykuna llakikur waqayanqa. Tsay reykunaqa Babilonia runakunawan riquëzankunata qaranakurmi ïdulukunatapis adorayarqan. 10Castiganqanta rikarmi mantsakashqa karullapita rikarar niyanqa: <<¡Allaw, Babilonia jatun marka! ¡Poderyuqmi karqayki! ¡Kananqa illaqpitam ushakarquyki!>> 11Tsaymi negociunkunata rantiyänanpä pipis manana kaptin llapan negociantikunapis pasaypa waqayanqa. 14Tsaymi negociantikuna llakikur tsay markata niyanqa: <<¡Imaykanöpapis qorinqayki riquëzaykikuna manam kannatsu! ¡Kuyayllapä tsaranqaykikunam ushakashqana! ¡Rïcu kanqaykinöqa manam imaypis kankinatsu!>> 15Tsay markachö rïcuyaq negociantikunam rupaykaqta karullapita rikarnin mantsakashqa waqar 19Pasaypa waqar qayararmi allpatapis umankunaman wiñakur niyanqa: <<¡Allaw, Babilonia jatun marka! Tsaychömi büquiyuqkuna negociunta rantikur llapanpis rïcuyäyashqa. Kananqa illaqpitam pasaypa ushakashqa>>. 20Ciëluchö kaqkuna, ¡kushikuyay! Apostolkuna, profëtakuna y Diosman llapan criyikuqkunapis, ¡kushikuyay! Qamkunata wanutsiyäshunqaykipitam Tayta Dios tsay markata chipyaq ushakätsishqa. 21Tsaypitanam poderyuq juk ángel mulinunö rumita joqarkur lamarman jitar nirqan: < 22Runakuna cantayanqankunapis manam qamchö wiyakanqanatsu. Manam arpata, flautata ni cornëtata tukayanqanpis wiyakanqanatsu. Ima aruyta yachaqkunapis manam kayanqanatsu. Mulinu taqraranqanpis manam wiyakanqanatsu. 23Pipis mana täyaptinmi aktsipis kanqanatsu. Casaray fiestapis mananam kanqanatsu. Qamchö täraq negociantikuna maytsay negociantikunapitapis mas poderyuqmi kayarqan. Brüju karmi maytsaychöpis täraq runakunata criyitsirquyki. 24Qamchömi profëtakunapa, Diosman yärakuqkunapa y maytsaychö runakunapa yawarnin mashtaraykan>>.
Who We AreWhat We EelieveWhat We Do
2025 by iamachristian.org,Inc All rights reserved.
