1 Crónicas 25 - Bible in Quechua of South Conchucos（qxo）

Levitakuna templuchö alabayänanpä David churanqan

1Tsaypitanam soldädukunapa capitanninkunawan willanakuskir runakunata David churarqan arpata, salteriukunata y platïllukunata tukayllapa Tayta Diospa willakuyninta willakuyänanpä. Wakin runakunaqa kayarqan Asafpa tsurinkuna, wakinna kayarqan Hemánpa tsurinkuna y wakinnam kayarqan Jedutúnpa tsurinkuna.

2Asafpa tsurinkunam kayarqan Zacur, José, Netanías y Asarela. Paykunatam dirigirqan papänin Asaf. Paymi rey ninqannölla instrumentuta tukayllapa cantar Tayta Diospa willakuyninta willakurqan.

3Jedutúnpa joqtam tsurinkuna kayarqan. Paykunam kayarqan Gedalías, Zeri, Jesaías, Simei, Hasabías y Matatías. Paykunatam dirigirqan papänin Jedutún. Paymi arpata tukarnin cantar Tayta Diospa willakuyninta willakurqan. Tsaynöpam Tayta Diosta agradëcikur alabaq.

4Hemánpa tsurinkunam kayarqan Buquías, Matanías, Uziel, Sebuel, Jeremot, Hananías, Hanani, Eliata, Gidalti, Romanti-ezer, Josbecasa, Maloti, Hotir y Mahaziot.

5Paykunaqa llapanpis Hemánpa tsurinkunam kayarqan. Tayta Diospa bendicionninwanmi Hemánpa chunka chusku ollqu tsurinkuna y kimsa warmi tsurinkuna kayarqan. Hemánmi Tayta Diospa willakuyninta reyta tantiyatsiq. Tantiyatsinqannö mandarmi reyqa mas poderyuq karqan.

6Asafpa tsurinkuna, Jedutúnpa tsurinkuna y Hemánpa tsurinkuna llapanmi papäninkuna tantiyatsinqannölla Tayta Diospa templunchö platïllukunata, arpakunata y salteriukunata tukayaq. Imatapis rurayänanpä kaqtaqa Asafta, Jedutúnta y Hemánta kikin reymi yätsiq.

7Alli tukayta yachaqkuna y Tayta Diosta alabar cantaqkunam llapan kayarqan ishkay pachak puwaq chunka puwaq (288).

8Tsaymi cada ünunkuna churanakuypa templuchö imay tukayänanpäpis suertiyayaq. Suerti yarqamunqanmanmi mayor o qepa karpis, yachakuq o yachatsikuq karpis tukayaq.

9Suertiyayaptinmi puntata yarqamurqan Asaf casta Josépä. Payqa tsurinkunawan wawqinkuna chunka ishkaymi kayarqan.

Suertita yapay jitayaptinmi yarqamurqan Gedalíaspä. Payqa tsurinkunawan wawqinkuna chunka ishkaymi kayarqan.

10Suertita yapay jitaptinmi yarqamurqan Zacurpä. Payqa tsurinkunawan wawqinkuna chunka ishkaymi kayarqan.

11Suertita yapay jitaptinmi yarqamurqan Izripä. Payqa tsurinkunawan wawqinkuna chunka ishkaymi kayarqan.

12Suertita yapay jitaptinmi yarqamurqan Netaníaspä. Payqa tsurinkunawan wawqinkuna chunka ishkaymi kayarqan.

13Suertita yapay jitaptinmi yarqamurqan Buquíaspä. Payqa tsurinkunawan wawqinkuna chunka ishkaymi kayarqan.

14Suertita yapay jitaptinmi yarqamurqan Jesarelapä. Payqa tsurinkunawan wawqinkuna chunka ishkaymi kayarqan.

15Suertita yapay jitaptinmi yarqamurqan Jesahíaspä. Payqa tsurinkunawan wawqinkuna chunka ishkaymi kayarqan.

16Suertita yapay jitaptinmi yarqamurqan Mataníaspä. Payqa tsurinkunawan wawqinkuna chunka ishkaymi kayarqan.

17Suertita yapay jitaptinmi yarqamurqan Simeipä. Payqa tsurinkunawan wawqinkuna chunka ishkaymi kayarqan.

18Suertita yapay jitaptinmi yarqamurqan Azareelpä. Payqa tsurinkunawan wawqinkuna chunka ishkaymi kayarqan.

19Suertita yapay jitaptinmi yarqamurqan Hasabíaspä. Payqa tsurinkunawan wawqinkuna chunka ishkaymi kayarqan.

20Suertita yapay jitaptinmi yarqamurqan Subaelpä. Payqa tsurinkunawan wawqinkuna chunka ishkaymi kayarqan.

21Suertita yapay jitaptinmi yarqamurqan Matatíaspä. Payqa tsurinkunawan wawqinkuna chunka ishkaymi kayarqan.

22Suertita yapay jitaptinmi yarqamurqan Jeremotpä. Payqa tsurinkunawan wawqinkuna chunka ishkaymi kayarqan.

23Suertita yapay jitaptinmi yarqamurqan Hananíaspä. Payqa tsurinkunawan wawqinkuna chunka ishkaymi kayarqan.

24Suertita yapay jitaptinmi yarqamurqan Josbecasapä. Payqa tsurinkunawan wawqinkuna chunka ishkaymi kayarqan.

25Suertita yapay jitaptinmi yarqamurqan Hananipä. Payqa tsurinkunawan wawqinkuna chunka ishkaymi kayarqan.

26Suertita yapay jitaptinmi yarqamurqan Malotipä. Payqa tsurinkunawan wawqinkuna chunka ishkaymi kayarqan.

27Suertita yapay jitaptinmi yarqamurqan Eliatapä. Payqa tsurinkunawan wawqinkuna chunka ishkaymi kayarqan.

28Suertita yapay jitaptinmi yarqamurqan Hotirpä. Payqa tsurinkunawan wawqinkuna chunka ishkaymi kayarqan.

29Suertita yapay jitaptinmi yarqamurqan Gidaltipä. Payqa tsurinkunawan wawqinkuna chunka ishkaymi kayarqan.

30Suertita yapay jitaptinmi yarqamurqan Mahaziotpä. Payqa tsurinkunawan wawqinkuna chunka ishkaymi kayarqan.

31Suertita yapay jitaptinmi yarqamurqan Romanti-ezerpä. Payqa tsurinkunawan wawqinkuna chunka ishkaymi kayarqan.