1Kaychömi qellqashqa kaykan Amóspa tsurin Isaíasta Tayta Dios revelanqan. Tsay revelacionchömi rikatsirqan shamuq watakunachö Babilonia nación imanö kananpä kanqanta.
2<<¡Tsunyaq jirkaman señalta jawiyay!
¡Atacayänanpä soldädukunata qayayay!
¡Reykuna yaykuyänan punkukunapa yaykuyänanpä sëñasta rurar qemllayay!
3Rabyatsimaq runakunata castigayänanpämi juk nación runakunata mandarqü.
Paykunata atacayänanpämi yätsirqü.
Tsay runakunaqa pelyay yachaq valienti runakunam kaykäyan.
Paykunam conträkunata vinciptï kushikuyan>>.
4Atska nación runakuna qorikar qayakuyanqanmi jirkakunapita wiyakaykämun.
Llapanta mandaq Tayta Diosmi qoriykan alistakushqa soldädunkunata guërraman aywayänanpä.
5Karu nacionpitam shamuykäyan.
Llapan patsapa kuchunpitam shamuykäyan.
Tayta Dios rabyashqa karmi tsay shamuykaq soldädukunawan Babilonia nacionta chipyaq ushakätsinqa.
6¡Llapayki waqayay!
Llapanpä poderyuq Tayta Dios castigayäshunaykipä junaq chaykämunnam.
Castigashurnikim llapan nacionnikita ushakätsinqa.
7Tsay höram runakunapa rikrankunapis shawikaskinqa.
Llapanmi kallpaynaq kayanqa.
8Pasaypa mantsarirmi tsuktsukyäyanqa.
Wachay nanaywan warmi ñakaqnömi pasaypa mantsarir qequykachäyanqa.
Juknin jukninpis mantsakashqam rikapänakuyanqa.
Pasaypa penqakuyaptinmi cärankunapis pukayanqarä.
9 Tayta Dios castiganan junaq chaykämunnam.
Tsay junaq pasaypa mantsariypämi kanqa.
Pasaypa rabyar castigarmi kay patsata tsunyaykaqta dëjanqa.
Llapan jutsa ruraqkunatam ushakätsinqa.
10Qoyllurkunapis manam atsikyanqanatsu.
Rupaypis yarqaskamullarmi tsakaskinqa.
Killapis mananam atsikyanqanatsu.
11Tayta Diosmi nin:
< Mana respitakuqkunatapis penqakuymanmi churashä. Runa tukuqkunatapis tsoqpakatsishämi. 12Castigar ushakätsiptïmi Ofirpita kaq qori wallkalla kanqannö runakunapis wallkaqllana kayanqa. 13Tsay höram ciëlupis tsuktsukyanqa. Kay patsapis juklämanmi witikunqa. Pasaypa rabyar castiganqä junaqmi tsaynö kanqa. 14< Qatikachäyaptin lluytsu qeshpiqnömi qeshpiyanqa. Mitsiqniynaq üshakuna mantsakar qeshpiqnömi aywakuyanqa. 15< Pitapis tsariyanqan kaqtam espädawan tuksiyanqa. 16Maman y papänin rikaraykäyaptinmi wamrankunatapis tsapir ushayanqa. Wayikunapitam imaykankunatapis apayanqa. Warmikunatapis tsariykurmi munayanqanta rurayanqa. 17< Mana atacayänanpä qellayta ni qorita pägayaptinpis tsay runakunaqa manam chaskiyanqatsu. 18Tsaypa rantinmi atacarnin jövinkunatapis flëchawan wanutsiyanqa. Llullu wamrakunatapis y pishi wamrakunatapis mana kuyapaypam wanutsiyanqa. 19< Tsaychö täraq caldeo runakunaqa pasaypa chaniyuq ruminömi kayan. Tsaynö kaykarpis Tayta Dios ushakätsiptinmi Sodoma y Gomorra markakunanö ushakäyanqa. 20Manam imaypis tsaychöqa täyanqanatsu. Tsaychöqa Arabia runakunapis manam patsakuyanqanatsu ni üshayuqkunapis manam mitsikuyanqanatsu. 21< Wayikunachöpis tukukunallanam täyanqa. Tsaychöqa chucaru cabrakunallam tushur puriyanqa. 22Palaciukunachöpis hiena ashmakunallanam aullar täyanqa. Allin wayikunachöpis chacalkunallam täyanqa. Babilonia nación ushakänanpä junaq chaykämunnam. Ichikllanam pishiykan>>.
Who We AreWhat We EelieveWhat We Do
2025 by iamachristian.org,Inc All rights reserved.
