Isaías 32 - Bible in Quechua of South Conchucos（qxo）

Alli rey mandananpä ninqan

1Juk reymi kanqa shumaq juzgar alli mandaq.

Yanapaqnin autoridäkunapis shumaqmi juzgayanqa.

2Paykunam marka mayinkunata shumaq rikayanqa.

Tsaymi mana alli runakuna imayka shukukuy vientunö atacayaptinpis runakunata tsapäyanqa.

Mangäda tamyanö desgracia päsaptinpis yanapayanqam.

Tsaki jirkakunachö yakunömi kayanqa.

Alläpa achaptin runakuna llantukuyänanpä jatun qaqanömi kayanqa.

3Tsay witsanmi Tayta Dios ninqanta runakuna shumaq cäsuyanqa.

Pay munanqannö kawayänanpämi shumaq tantiyakuyanqa.

Ninqanta cäsuyänanpämi llapanta wiyayanqa.

4Mana tantiyakuqkunapis shumaqnam tantiyayanqa.

Watäkupis y parlayta mana puëdiqkunapis shumaqnam parlayanqa.

5Mana alli runataqa manam <> niyanqanatsu.

Engañakuqkunatapis manam <> niyanqanatsu.

6Mana alli runaqa llutankunallatam parlan.

Mana allita ruranallanpämi yarpachakun.

Tayta Diospäpis llutankunatam parlan.

Mallaqaqkunatapis manam mikuyta qarantsu.

Yakunaqkunatapis manam yakuta qarantsu.

7Engañakuq runaqa pïmaytapis engañanmi.

Llutankunata rurananpämi yarpachakun.

Pobrikuna y humildikuna demandakuyaptinpis manakaqtam tumpan.

8Alli runaqa shumaq yarpachakuskirmi imatapis ruran.

Tsaymi paytaqa pïmaypis respitayan.

Jerusalén warmikunapä ninqan

9Mana yarpachakuq warmikuna, tantiyakuyay.

Imapis mana päsayäshunaykipä kanqanta yarpaqkuna, ninqäta shumaq wiyakuyay.

10Kananpita juk wata päsaskiptinqa üvapis ni ima mikuypis cosechayänaykipä manam kanqatsu.

Tsaynö kaptinmi pasaypa mantsakäyanki.

11Rïcuyar alli kawaychö kaq warmikuna, ¡mantsarir tsuktsukyäyay!

Röpaykikunata llushtikuskir lütu röpatana jatikuyay.

12Alli wayuq chakrakuna mananam wayunqanatsu.

Üva cosëchapis manam kanqanatsu.

Tsayta rikarmi makikikunatapis tsoqpashqa waqayanki.

13Chakraykikunachöpis kashawan jachakunam juntayanqa.

Kushishqa kawayanqayki wayikikunapis y markaykikunapis muntiyanqam.

14Rey täranqan palaciuchöqa manam pipis täyanqanatsu.

Cällikunachö tsaytsika runakuna karpis waray warantinqa tsunyaqmi kanqa.

Marka murällapis törrikunapis llapanmi raqällana kanqa.

Tsaychö munti ashnukunallanam kushishqa pañayanqa.

Ashmakunatam tsaychö mitsikuyanqa.

Espïritunta Tayta Dios mandamunanpä ninqan

15Tsaynö kanqa ciëlupita Espïritunta Tayta Dios noqantsikman mandamunqanyaqmi.

Espïritunta mandamuptinqa desiertupis muruna chakranam kanqa.

Chakrakunapis qoriyta mana puëdiypämi wayunqa.

16Tsunyaq jallqachöpis qechwachöpis allillatanam runakuna rurayanqa.

17Maytsaychöpis allim kawayanqa.

Imapitapis mana mantsarmi imayyaqpis allilla kawayanqa.

18<

19Muntikunata runtu tamya ushaptinpis,

juklä markakunata contrankuna juchutsir ushayaptinpis

20qamkunaqa imapis mana ñakatsiyäshuptikim kushishqa kawayanki.

Atska yakuyuq chakrakunachömi murukuyanki.

Alli qewa kanqanchömi wäkaykikunata y ashnuykikunata mitsikur kushishqa kawayanki>>.