1< Imayka arupakuq runanömi qoyay qoyay ñakan. 2Tsaynö ñakarmi achaychö arur llantuta ashiq runanö kaykan. Tsaynöllam arupakuq runa pägunta shuyaqnö kaykan. 3< Pasaypa nanaywanmi paqaspapis warat ñakä. 4Cämächö jitararpis patsa ras waränantam munä. Tumar tikrar kaptïpis patsa manam warantsu. Tsaymi yarpachakuykar warärïpis. 5< Entëru cuerpüpitam isquyllana yarquykan. 6Vïdäqa telarchö awaq runa lanzadërata jitaptin ras päsaqnömi päsaykan. Manam kawanäpä kanqantapis yarpänatsu. 7< Mananam imaypis kushishqa kawashänatsu. 8Waray warantin wanukuptï mananam pipis rikamanqanatsu. Rikamayta munaptikipis mananam kashänatsu. 9< Sepultürapitaqa manam pipis yarqamunnatsu. 10Wanukuqkunaqa imaypis manam wayinman kutiyanqanatsu. Watakuna päsaptinqa castankunapis qonqaskiyanmi. 11Tsaymi upällaqa kakümantsu. Alläpa llakikurmi llapan yarpanqäkunata parlashä. 12< ¿Lamarnö kanqäta yarparku tsaynö cuidaykämanki? ¿Lamarchö jatusaq mantsaypä ashma kanqätaku yarpaykanki? 13Aybësis yarpachakü punur manana ñakanäpä kanqantam. Tsaynöllam yarpä punur llakikuytapis qonqaykunäpä kanqanta. 14Tsaynö yarpachakur punuykaptïmi mana allikunata sueñutsimanki. Mantsariypä kaqkunatam rikatsimanki. 15Tsaynö ñakatsimänaykipa rantinqa allim kanman ras wanuratsimaptiki. 16¡Manam kawaytapis munänatsu! ¡Imapänatä kawashäpis! Jamaynö ushakaqlla kaykaptïqa amana ñakatsimaynatsu. 17< ¿Imanirtä runapä pasaypa yarpachakunki? 18¿Imanirtä qoyay qoyay rikaraykanki? ¿Imanirtä cada rätu pruëbaman churaykanki? 19Noqataqa mana dëjaypam cuidaraykämanki. Toqaynïta ultanallätapis manam dëjamankitsu. 20< Pasaypa ñakatsimanqaykitaqa manam awantänatsu. 21Wanukunäpäna kaykaptïqa ¿imanirtä jutsa ruranqäta perdonamankitsu? Wanukuptïqa perdonamänaykipä ashimarpis manam tarimankinatsu>>.
Who We AreWhat We EelieveWhat We Do
2025 by iamachristian.org,Inc All rights reserved.
