Job 4 - Bible in Quechua of South Conchucos（qxo）

Elifaz parlanqan

1Tsaynö niptinmi Temán partipita shamuq Elifaz Jobta nirqan:

2<

Peru tsaynö kaptinpis manam upälla kakümantsu.

3Qamqa atskaqtam shumaq yachatsiq kanki.

Llakishqa runatapis valuratsiqmi kanki.

4Llutan ruraq runatapis allita rurananpämi tantiyatsiq kanki.

Mantsarir kaykaqkunatapis animatsiqmi kanki.

5Peru kikikita desgracia päsashuptikiqa rasmi desanimanki.

Kikiki ñakarqa pasaypam turbaykanki.

6Tayta Diosta mantsapakuq runa kaykarqa ¿manaku payman yärakunkiman?

7<<¡Shumaq tantiyakuy!

Jutsaynaq runaqa manam ñakantsu.

Alli kawaq runataqa manam desgracia päsantsu.

8Peru mana alli ruraq runam sïqa imaypis ñakan.

Tsaytaqa kikïmi rikarqü.

9Tsaynö runataqa Tayta Diosmi castigan.

Rabyarmi llapanta ushakätsin.

10<

11Poderniynaq rikakurmi mallaqaypita león wanunqannö wanun.

Maman wanuskiptin llullu leonkuna maytsaypa mashtakäyanqannömi mana alli ruraq runapa tsurinkunapis mashtakäyan.

12<

13Punukashqa kaykarmi sueñuynïchö willamanqanta wiyarqü.

14Pasaypa mantsarir tsuktsukyaptïmi tullükunapis siksikyashqarä.

15Vientu wallwallyämuqta mayaptïmi aqtsäpis ichikurkushqa.

16Puntächö alma kaykaqta tantiyarmi llantuytanö rikarqü.

Chulluklla kaykanqan höram yanqalla wiyarqä parlapämar nimaqta:

17

Kamamaqnintsikpäqa ¿allillata ruraq runa kantsurä?

18 Angelninkunamanpis manam yärakuntsu.

Angelkunapis llutanta ruraykäyaptinqa

19masrächi runaqa llutanta ruran.

Runaqa allpallapita rurashqa karmi puyunö llapiriyllapä kaykan.

20Illaqpita illakarmi imaypis mana kutimuq aywakun.

Wanuskiptinqa jutintapis qonqaskiyanmi.

21Kay patsachö ushakaqlla karmi Dios munanqannö kawananpä shumaq manarä yachakur wanun>.