2 Crónicas 25 - Bible in Quechua of South Conchucos（qxo）

Judá nacionchö Amasías rey kanqan 2 Reyes 14.1-22

1Mandayta qallanqan witsanmi Amasíasqa ishkay chunka pitsqa (25) watayuq kaykarqan. Payqa ishkay chunka isqun (29) watam Jerusalénpita mandarqan. Mamanmi Jerusalénpita Joadán karqan.

2Amasíasqa Tayta Dios munanqannö kawarpis wakin wakintaqa manam cumplirqantsu.

3Rey kaykarnam papänin wanutsiq capitankunata wanutsirqan.

4Peru manam tsay capitankunapa tsurinkunataqa wanutsirqantsu. Tsaynö mana wanutsinanpämi Moisés qellqanqan leykunachö Tayta Diospa mandamientun qellqashqa kaykan: <>.

5Tsaypitanam Amasíasqa Judá trïbu y Benjamín trïbu runakunata qayaykatsir cada castapa mandaqnin kananpä juk soldäduta churarqan. Tsaypitanam runakunata ishkay chunka (20) watayuqpita janaman censatsirqan. Tsay censatsinqan runakunam kimsa pachak waranqa (300,000) kayarqan. Paykunaqa guërrachö espädawan pelyayta y escüduwan tsapäkuytapis allim yachayaq.

6Tsaypitam kimsa waranqa kimsa pachak (3,300) kïlu yuraq qellayta pägaykur pachak waranqa (100,000) Israel nación soldädukunata minkakurqan pelyar yanapayänanpä.

7Tsaymi Tayta Diospa willakuqnin chaykur Amasíasta nirqan: < manam yanapantsu Israel nación soldädukunataqa. Payqa manam Efraín runakunawantsu kaykan. Tsaynö kaykaptinqa guërraman paykunata ama pushaytsu.

8Mana cäsur tsay soldädukunata pushaptikiqa contraykikunatam Tayta Dios yanapanqa vinciyäshunaykipä. Tayta Diosqa poderösum kaykan pitapis munanqan kaqta yanapananpä y ushakätsinanpä>>.

9Tsaynö niptinmi Tayta Diospa willakuqninta rey Amasías nirqan: <>

Niptinmi Tayta Diospa willakuqnin nirqan: < yanapashunki>>.

10Tsaynö niptinmi rey Amasíasqa Efraínpita shamuq soldädukunata wayinkunapa kutikuyänanpä despacharqan. Tsaymi paykunaqa Judá nación runakunawan rabyakurnin wayinkunaman pasaypa ajashqa kutikuyarqan.

11Amasíasqa Tayta Diosman yärakurmi soldädunkunawan aywar Kachi Pampachö chunka waranqa (10,000) Seir runakunata wanutsiyarqan.

12Tsaynöllam chunka waranqa runakunata prësu tsariyarqan. Tsay runakunata qaqa puntanman apaykur jitarpuyaptinmi ushakaqpä chäyarqan.

13Paykuna guërrachö kayanqanyaqmi Amasías kutitsinqan runakuna Samariapita Bet-horónyaq Judá nacionchö kaq markakunata atacar kimsa waranqa (3,000) runakunata wanutsiyarqan. Tsaypitam tsay wanushqa runakunapa imaykankunatapis apakuyarqan.

14Edomita runakunata ushakaskatsir kutimurmi Amasíasqa Seirchö täraq runakunapa ïdulunkunata aparqan. Tsaypitanam tsay ïdulukunaman yärakur inciensiuta qoshnitsir adorarqan.

15Tsaynö ruraptinmi Tayta Dios pasaypa rabyarqan. Tsaymi juk profëtata mandarqan ninanpä: <<¡Imanirtä juk nacionpa diosninkunaman yärakuykanki! Tsay dioskunaqa manam pitapis salvayantsu. Salvakuq karqa atacaptiki salvanmanmi karqan>>.

16Profëta tsaynö niptinmi reyqa ollqutupar nirqan: <>.

Profëtanam nirqan: <>.

17Tsaypitanam yätsiqninkunawan willanakuskir Judá nacionpa mandaqnin rey Amasíasqa willakuqkunata mandarqan Israel nacionpa mandaqnin rey Joás kaqman. Joásqa Joacazpa tsurin y Jehúpa willkanmi karqan. Willakuqkuna chaykurmi niyarqan: <>.

18Tsaynö niyaptinmi willakuq aywaqkunata Joás nirqan: <>.

<<

19Tsay kashanöllam qampis kaykanki. Edomita runakunata ushakätsinqaykillapitaqa ama alläpa runa tukuytsu. Tsaynö runa tukur pelyaq shamunaykipa rantinqa mejor wayikichö kakuy. Tsaynölla wajupämaptikiqa kikikitapis y Judá runakunatapis ushakätsiyäshaykim> >>.

20Rey Joás tsaynö niptinpis Amasíasqa manam cäsurqantsu. Tsaynö cäsurqantsu edomita runakunapa ïdulunkunata adoranqanpita ushakätsinanpä Tayta Dios destinashqa kaptinmi.

21Mana cäsuptinmi Joásqa Israel soldädunkunawan Judáchö Bet-semesman aywayarqan Amasíaspa soldädunkunawan pelyayänanpä.

22Israel soldädukuna vinciyaptinmi Judá soldädukunaqa qeshpir wayinkunapa kutikuyarqan.

23Israel nacionpa mandaqnin rey Joásnam Judá nacionpa mandaqnin rey Amasíasta Bet-semeschö prësu tsariskir Jerusalénman aparqan. Tsaychömi marka murällata juchutsiyarqan Efraín punkupita qallaykur hasta Esquïna niyanqan punkuyaq. Tsay juchutsiyanqan murällaqa pachak puwaq chunka (180) metru largum karqan.

24Tsaypitanam templuchö Obed-edom cuidanqan qellayta, qorita y llapan manëjukunata apayarqan. Tsaynöllam palaciuchö kaq tesörukunatapis apayarqan. Tsaypitam <> nir runakunata prësu aparkur Samariapa kutiyarqan.

25Judá nacionpa mandaqnin rey Amasíasqa Israel nacionpa mandaqnin rey Joás wanunqanpita chunka pitsqa wata masrämi kawarqan. Rey Amasíasqa Joáspa tsurinmi karqan. Rey Joásnam Joacazpa tsurin karqan.

26Rey Amasías ruranqankunaqa qallanqanpita ushanqanyaqmi Judá nacionpa y Israel nacionpa mandaqnin reykunapa acta librunchö qellqashqa kaykan.

27Rey Amasías Tayta Diosta mana cäsur juk dioskunaman yärakunqanpitam runakuna Amasíaspa contran Jerusalénchö shäriyarqan. Tsaymi Laquis markaman qeshpiptinpis qatipaykur wanutsiyarqan.

28Ayantanam caballuman chaqnarkur Jerusalénman apayarqan. Tsaychömi Davidpa Markanman unay castankuna pamparanqan kaqman pampayarqan.